Almatyda joǵalǵan 18 jastaǵy Juldyz Ermanovany belgisiz bireýler alyp qashyp ketken bolyp shyqty, - dep habarlaıdy Qamshy.kz Tengrinews.kz - ke silteme jasap. 

Juldyzdyń týǵan ápkesiniń aıtýynsha, áleýmettik jelilerde jurt shýlaǵannan keıin urlap áketkender qyzdy úıine qaıtarǵan. Dostarynyń aıtýynsha, Ermanova ózin alyp qashyp ketken jigitti tanymaǵan da. Týystarynyń aıtýynsha, olar jigittiń ústinen aryz jazbaıdy. Polıseıler tergeý júrgizip jatyr. Oqıǵanyń mán-jaıy prosestik áreketterdiń barysynda anyqtalady. 

"Juldyzymyzdy izdestirýge qoldaý kórsetip, kómek qolyn sozǵandarǵa alǵys aıtamyz. Qoǵam bizge kómektesti. Sizderdiń kómekterińizsiz biz eshteńe isteı almaıtyn edik! Sebebi Juldyzdy beıtanys jigit alyp qashyp ketken, sóıtip, óziniń qalyńdyǵy etkisi kelipti. Juldyz nekege kelisim bermepti. Jigittiń ata-anasy jurttyń shýlaǵanyn bilip, polıseılerdiń izdestirip jatqanyn kórgennen keıin shoshyp ketip, sińlimdi qaıtardy", - dedi Juldyzdyń ápkesi Aqsholpan Ermanova.

Onyń aıtýynsha, Juldyz qorqyp qalǵan, biraq jaǵdaıy jaqsy. "Bári beıbit jolmen sheshildi", - dedi Aqsholpan.

Eske salaıyq, 18 jastaǵy Juldyz Ermanova Almatyda 1 tamyzda joǵalyp ketken edi. Qyzdy izdestirý týraly habarlandyrý áleýmettik jeliler men BAQ-tarda jarıa boldy, ony quqyq qorǵaý organdary men eriktiler izdestirdi. Al búgin, 3 tamyzda ol tabyldy.