Tyıym salynǵan musylmandyq aǵymdardyń dinı qyzmetkerleri Aqmola oblysynyń turǵyndaryn Sırıaǵa barýǵa úgitteýde. Ol jerde boıjetkender jezókshege aınalady dep habarlaıdy Qamshy.kz Nur.kz - ke silteme jasap.

«Ókinishke qaraı, olar bizdiń qyzdardy Sırıaǵa attandyryp jatyr. Boıjetkender jaýyngerlik isterge aralaspaıdy, alaıda lańkesshilerdiń áıeline aınalady. Ol búginde bir erkekpen bolsa, erteńgisin ózge erkekpen júredi. Bul - ashyq jezókshelik», – deıdi brıfıń kezinde "Femınıstik lıga" qoǵamynyń prezıdenti Galına Morozova.

Morozovanyń aıtýynsha, boıjetkenderge tuzaq qurý ádette qyrkúıek aıynan bastalady. Quryqqa túsetinderdiń deni - aýyldyq aımaqtardan Kókshetaýǵa oqý qýalap kelgender.

"Men takısde júrgizýshimen sóılesken bolatynmyn. Olar túrli adamdardy tasıdy emes pe? Onyń aıtýynsha, qyrkúıekte jumys qyzady. Aýyldan qyzdar aǵylǵanda, olardy jezókshelikke tartý áreketteri bastalady», – deıdi Morozova.

Seks-jıhad uǵymy 2013 jyly musylman áıelderdi óz erkimen ne aldaı otyryp, lańkesshilerdiń lagerlerine jiberý kezinde qalyptasqan. Onda attanǵan názik jandylar lańkesshilerge kóbine óz erkinen tys seksýaldy qyzmet kórsetedi. Olar ýaqytsha bir kúndik neke uǵymymen búrkenip, jezókshelikke baryp otyrady.

Islam dininde mundaı áreketke tyıym salynǵany DAISH ıdeologıasyna baǵynyshtylardy toqtatar emes.