Qazaq Ulttyq Agrarlyq ýnıversıtetiniń bir top oqytýshysy búgin ózderi turyp jatqan jataqhana aldyna jınalyp, narazylyq sharasyn ótkizdi. Aıtýlarynsha, oqý ornynyń basshylyǵy jataqhanany jalǵa alý qunyn joǵarlatyp, ózderin ony bosatýǵa májbúrlep jatyr, - dep habarlaıdy Qamshy.kz 31 arnaǵa silteme jasap.

Alaıda ýnıversıtet ákimshiliginiń buǵan aıtar óz ýáji bar.

-Bizdiń qazir baratyn jerimiz joq. Úıimiz de joq, jerimiz de joq. Men mysaly 2 balany asyrap otyrmyn, qaıda baratynymdy bilmeımin. Osy ýnıversıtette jumys istep jatqanyma jáne myna jataqhanada turyp jatqanyma 25 jyl boldy, - deıdi oqytýshy.
 
Jatahanada turý merzimi tamyz aıynyń 15-ne deıin dep berilgen eskertpe qaǵazdaryn qolyna qysqan ustazdar bul jerden shyqsaq barar baspanamyz joq dep zar ıleýde. Qazir bul jerde 750-ge tarta qyzmetker turady eken. Bilim ordasynyń basshylyǵy budan bylaı jatahananyń ár sharshy metrine 2050 teńgeden tóleısińder dep qysqa qaıyrypty. Eseptegende aı saıyn 97-130 myńdaı teńge shyǵady eken. Alaıda jalaqymyz 100 myń teńgeden aspaıdy degen oqytýshylar bul jańashyldyqqa narazy. Al joǵarǵy oqý ornynyń basshylyǵy bıyl ýnıversıtet 500 magıstrant, 40 doktarant pen 4 myńǵa jýyq jańa tálimger qabyldaıdy. Olardyń barlyǵyn jataqhanadaǵy orynmen qamtý múmkin bolmaı tur -deıdi.