Almatyda Súıinbaı dańǵylynyń boıynda qabyrǵaǵa soǵysqan avtobýs apatynan zardap shekkenderge qatysty túsinikteme berildi, - dep habarlaıdy Qamshy.kz Densaýlyq saqtaý basqarmasyna silteme jasap.

Basqarma málimetinshe, oqıǵadan 13 adam zardap shekken. Olardyń ishinde 10 adam qalalyq aýrýhanalarǵa, 3 adam oblystyq aýrýhanaǵa jetkizilgen.

-10 adamnyń altaýy tekserilgennen keıin úıine qaıtaryldy.  Eki adam qalalyq ortalyq klınıkalyq aýrýhanaǵa, bir adam qalalyq jedel shuǵyl kómek kórsetý aýrýhanasyna, taǵy bir adam 7-shi qalalyq klınıkalyq aýrýhanaǵa jatqyzyldy. Zardap shekkenderdiń negizinen aıaq-qoldary synǵan jáne olar jabyq túrdegi bas súıegi zaqymdanǵan. Eki adamǵa ota, bir adamnyń jaraqatyna alǵashqy hımıalyq em-dom jasaldy, - deıdi Almaty qalalyq Densaýlyq saqtaý basqarmasynyń bas hırýrgy Nurjan Isabekov.

Zardap shekkenderdiń eń jasy 14-te bolsa, taǵy biri júkti áıel ekendigi anyqtaldy. Áıeldiń mıy shaıqalyp, denesiniń terisi kógergen. Oǵan tez arada ishine últradybystyq zertteý sharasy júrgizilgen. 

Al jolaıryqta qabyrǵaǵa soǵysqan №92 baǵyttaǵy avtobýs júrgizýshisiniń úsh saýsaǵy kesip alynǵan.

Esterińizge sala keteıik, Almatyda avtobýstyń qatysýymen iri jol apaty bolyp, reıs avtobýsy jolaıryqta qabyrǵaǵa soǵysqan bolatyn.