Almaty oblysy Aqsý aýdanynda Syrtanov aýyldyq okrýginiń Qopa aýylynyń iz-túzsiz joǵalǵan turǵyny ekinshi kún izdestirilýde, - dep habarlaıdy Qamshy.kz QazAqparatqa silteme jasap.
«İzdeý sharalaryna 57 adam tartyldy. Olar oblystyq TJD órt sóndirý jáne apattyq qutqarý qyzmetiniń, oblystyq TJD jedel-qutqarý jasaǵynyń, jergilikti atqarýshy organdardyń, AİİB, apattyq medısına ortalyǵynyń Taldyqorǵan qalalyq fılıalynyń qyzmetkerleri.
1997 jyly týǵan joǵalǵan azamat aǵymdaǵy jyly 1 tamyzda tańǵy saǵat 8-de joǵalǵan maldy izdeý úshin shyǵyp, sodan beri oralmady», - dep habarlady oblystyq TJD baspasóz hatshysy Azamat Jurtbaev.
Vedomstvoda atap ótkendeı, búgin joǵalǵandy izdeý úshin QR İİM TJK «Qazavıaqutqarý» AQ «Eurocopter ES 145» tikushaǵy jumyldyryldy.
