Qazaqstandyq aktrısa Arýjan Jazylbekova erotıkaǵa toly serıalda basty róldi somdaıdy, - dep habarlaıdy Qamshy.kz "Ekspress K" basylymyna silteme jasap.

Sonymen Arýjan Jazylbekova "Pervyı kanal" túsirip bastaǵan "Altyn orda" tarıhı serıalynda basty róldi somdamaq. Prodússerlerdiń aıtýynsha, erotıkalyq epızodtarǵa toly serıal "Taqtar oıyny" ("Igra prestolov") hıkaıasy sıaqty bolmaq.

"Altyn orda" tarıhı serıaly eki nusqamen daıyndalady: birinshisi - teleekranǵa arnalǵan, keıbir tustary qıylǵan bolsa, ekinshisi - ǵalamtor kórermenderine arnalǵan tolyq nusqasy.

Atalmysh fılm Berke han handyq qurǵan kezeńdi sýretteıdi. Tarıhı hıkaıada orys knázdikteriniń basyn biriktirýdi qalaıtyn Iaroslav knáz ben óz ımperıasyn basqarýda qataldyǵymen aty shyqqan Berke hanǵa kóp oryn berilgen.

Oqıǵa jelisinde Altyn Orda elshisi Táńir-Temirdiń Borıs knázdiń áıeli Ýstınány alyp ketý úshin Vladımırge kelip, ornyna Iaroslavqa syı retinde Narǵyz esimdi sulý kúńin tastap ketedi.

Qazaqstandyq aktrısa Arýjan Jazylbekova Narǵyzdyń rólin somdaıdy, ol bul úshin arnaıy kastıngten tańdalyp alynǵan.

"Búgin "Pervyı kanal" túsirip jatqan reseılik joba "Altyn ordanyń" alǵashqy túsirilim kúni boldy. Basty rólderdiń birindemin! Meni shymshyp alyńdar nemese valeránka berińder!", - dep qýanyshyn bólisti aktrısa óziniń áleýmettik jelidegi paraqshasynda.