Sheteldegi kotejderi men páterlerin zańdastyrǵandardyń sany 6 aıdyń ishinde 2 esedeı artqan. Jappaı jarıalaý aksıasy aıaqtalar sátte qazaqstandyqtar belsendilik tanytyp, zańdastyrylǵan múlik pen qarjynyń jalpy somasy 2 trıllıon teńgege jetip otyr, - dep habarlaıdy Qamshy.kz 31 arnaǵa silteme jasap.

Zańdastyrýǵa bas-aıaǵy 100 myńnan astam ótinish túsken. Onyń deni osy jyl basynan beri tirkelipti. Úkimet ókilderi mundaı belsendilikti raqymshylyq sharasymen baılanystyryp otyr. Onyń ústine, bıylǵy aksıada úlgermeı qalǵan azamattardyń múlki nemese qarjysy anyqtalsa ákimshilik jáne qylmystyq jaýapkershilikke tartylýy múmkindigi de áser etse kerek. Mınıstrlik mamandary buǵan deıingi esepterinde birneshe eldegi baspanalardyń zańdastyrylǵanyn aıtqan edi. Bul tizimde Dýbaı syndy iri qalalar da bar. Sarapshylar Birikken Arab ámirlikterindegi bul shahardaǵy páterler 100 mıllıon, al vıllalar 200 mıllıon dollarǵa baǵalanady deıdi.

-  Eger buryn 8 elde ǵana 33 obekt kórsetilse, búgingi tańda 16 elde 100 obekt kórsetilip otyr. Sany ulǵaıdy, - deıdi QR Qarjy mınıstrligi memlekettik kirister komıtetiniń departament dırektory Erjan Birjanov.