Túrikmenstan shekarada qaýipsizdik sharalaryn kúsheıtti. Qazaqstandyq azamattar elge kire almaıdy, - dep habarlaıdy Qamshy.kz Tengrinews.kz - ke silteme jasap.

Bul týraly Qazaqstannyń Mańǵystaý oblysy Memlekettik kirister departamenti habar taratqan.

"Túrikmenstan shekarasynda qaýipsizdik sharalary kúsheıtilip, 4-8 tamyz aralyǵynda respýblıkaǵa ońaılatylǵan tártippen kiretin sheteldik azamattar ýaqytsha elge kire almaıdy", - dep habarlady vedomstvodaǵylar.

Departamenttegilerdiń aıtýynsha, osyǵan deıin jasalǵan kelisimsharttarǵa sáıkes, Mańǵystaý oblysynda turatyn qazaqstandyqtar Túrikmenstandaǵy Balqan ýálaıaty aýmaǵyna bes táýlik ýaqytta deıin vızasyz kire alady. 

"Ońaılatylǵan tártip boıynsha elge kiretin qazaqstandyq azamattar Túrikmenstan aýmaǵyna kirip-shyǵý úshin sol jerdegi ótkizetin pýnktter arqyly kirýi tıis. Qazirgi ýaqytta Qazaqstan-Túrikmenstan shekarasynda "Temir-baba" pýnkti jumys isteıdi. Sonymen qatar, onda "Bolashaq" temir jol kedendik post ta jumys istep jatyr", - delingen habarlamada.