Astanada juqpaly aýrýlar aýrýhanasyna lańkester basyp kirdi. Osyndaı senarımen İshki İster departamenti jattyǵýyn bastady. Sondyqtan búgin  dabyl boıynsha kúsh qurylymdary men qutqarý qyzmetteri   aıaǵynan tik turyp, medısına mekemesine dereý jetti, - dep habarlaıdy Qamshy.kz KTK arnasyna silteme jasap. 

Qarý asynǵan arnaıy jasaq aldymen aýrýhanany tegis qorshaýǵa aldy. Óıtkeni qaskóıler  birneshe naýqas pen dárigerdi kepilge alǵan eken. Senarı boıynsha, lańkestikke qarsy jedel shtab sodyrlarmen kelissóz júrgizip, kepildegilerdi bosatyp aldy. Adamdardyń ómirine tóngen qaýip seıilgen soń, arnaıy jasaq strategıalyq nysanǵa jasyrynǵan  lańkesterdiń kózin joıyp, ǵımarat olardan tolyqtaı tazartyldy. Al oqý-jattyǵý jaıly İshki İster departamenti aldyn-ala eskertkendikten, turǵyndar qarý asynǵan sarbazdardyń janynan aspaı-saspaı ótip jatty.