29 shilde kúni Ońtústik Qazaqstan oblysynyń ákimi Beıbit Atamqulov Vetnam Sosıalısik Respýblıkasynyń elshisi Doan Thı Sýan Hıenmen kezdesti, dep habarlady aımaq basshysynyń baspasóz qyzmetinen.

Bosqosýda taraptar qos eldiń yntymaqtastyq qarym-qatynasy men saýda-ekonomıkalyq jaǵdaıy týraly áńgime órbitti.

Aımaq basshysy mártebeli meımanǵa Ońtústik ólkesiniń negizgi áleýettik kórsetkishteri men aýyl sharýashylyǵy, ónerkásip jáne týrızm salalaryndaǵy jetistikterin atap ótti. Sonymen qatar, óńirimizde týrızmdi damytý maqsatynda ashylǵan «Ontustik Tourism Center» týrısik-aqparattyq ortalyǵy jaıly áńgimelep, onda saıahatshylar úshin «bir tereze» qaǵıdasy boıysha qyzmet kórsetiletinin jetkizdi.

Óz kezeginde, Vetnam elshisi óńirimizdiń ınvestısıalyq áleýetiniń jaqsarǵanyn aıtyp, ásirese, aýyl sharýashylyǵyndaǵy jetistikterdi oń baǵalady. Kúrish ónimin eksporttaýdan álem boıynsha kósh bastaıtyn memleket ókilderi Kúngeı sharýalaryn vetnamdyq kúrish ósirýdiń tyń tásilderi boıynsha tájirıbe almasýǵa shaqyrdy. Ońtústik ólkesimen aýa raıy uqsas keletin elge aldaǵy ýaqytta bizdiń kásipkerler baratyn bolyp ýaǵdalasty.

Aıta ketý kerek, Doan Thı Sýan Hıen bastaǵan bir top delegasıa óńirimizdiń aýyl sharýashylyǵy, kásipkerlik salalaryndaǵy jetekshilerimen kezdesip, eki el arasyndaǵy saýda-sattyqty nyǵaıtý joldaryn qarastyrdy.