Sozaq aýdanynda asyl tuqymdy mal ósirý, bordaqylaý jáne mal ónimderin óńdeıtin keshen — «Soz-Agro» korporatıvtik qory quryldy. Osy maqsatta aýdan ákimdigi jáne ýran óndiretin fransýzdyq «Areva» kompanıasy men qazaq-fransýz «Katko» birikken kompanıasy uzaq jyldar boıǵy kelissózderge qol qoıdy, - dep habarlaıdy Qamshy.kz Otyrar.kz - ke silteme jasap.

Quryltaıshysy «Areva NS-Katko-Demeý» bolyp tabylatyn korporatıvtik qor bıznestiń áleýmettik jaýapkershilik aıasynda aýdandaǵy aýyl sharýashylyǵy salasyna 400 mln teńge ınvestısıa quıyp otyr.

Aýdandyq aýyl sharýashylyǵy jáne jer qatynastary bóliminiń basshysy Ábýbákir Sahıulynyń aıtýynsha, atalǵan korporatıvke 300 bas asyl tuqymdy sıyr men 15 bas asyl tuqymdy buqa alynbaq. Búginde keshennen mal órisine jer bólingen.

İske asatyn jobada mal basyn alýǵa 50 mln teńge, keshen qurylysyna 268 mln, al aýyl sharýashylyǵyna qajetti tehnıkalarǵa 82 mln teńge qarjy jumsalyp, jalpy 50 adam jumyspen qamtylatyn bolady.

Sondaı-aq, «Soz-Agra» korporatıvtik qory aldaǵy ýaqytta Qazaq ulttyq agrarlyq ýnıversıtetiniń ǵalymdarymen birlese otyryp, aýdan kóleminde aýyl sharýashylyǵyn damytýdy kózdep otyr.