Aqtóbe oblysynyń ákimi Berdibek Saparbaev dál qazir qyzmetinde joq. Oblys ákiminiń mindetin atqarý onyń orynbasary Asqar Sherıazdanovqa júkteldi,- dep habarlaıdy Qamshy.kz oinet.kz – ke silteme jasap.
Árıne, ákim ornynan bosatyldy dep otyrǵan eshkim joq. Shamasy Berdibek Mashbekuly tamyz aıynan bastap kezekti eńbek demalysyna shyǵyp ketken bolýy múmkin.
Bir qyzyǵy, ákimdik qyzmettiń tizginin alǵan boıda Asqar Sherıazdanov oblys ákimdiginde kadrlyq-aýys-túıis jasaýǵa kiristi. Aınaldyrǵan 3-4 kúnniń ishinde úsh birdeı basqarmanyń basshysyn jańartty.
Aldymen oblystyq ındýstrıaldyq-ınnovasıalyq basqarmasyna jańa basshy taǵaıyndady. Bul qyzmet Salavat Vahıtovqa buıyrdy. Budan keıin Qaırat Otarovty oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy etip taǵaıyndady. Al kúni keshe uzaq jyldar prokýratýra salasynda eńbek etken Abdýhat Myrzalındi jerdiń paıdalanylýy men qorǵalýyn baqylaý jónindegi basqarmanyń basshysy etip bekitti.
Ádette basqarmanyń basshysyn oblystyń ákimi taǵaıyndaıdy. Ákimniń mindetin atqarýshynyń da aýys-túıis jasaýǵa quzyry júretin shyǵar. Degenmen A.Sherıazdanovtyń úsh birdeı basqarmanyń basshysyn jańartqanyn kópshilik nege joryryn bilmeı ań-tań.
Jańa basqarma basshylarynyń kandıdatýrasy Berdibek Saparbaevpen aldyn ala kelisilgen shyǵar...Kim biledi, bálkim, olardyń ákimniń «otpýskide» júrgen kezinde taǵaıyndalýynda da bir syr bar ma eken?
