Iá, tazalyq saqtamaǵan adamnyń azǵasyna túrli parazıtter áýes keletini belgili. Nátıjesinde adam birden bolmasa da ýaqyt óte kele túrli aýrýǵa shaldyǵýy múmkin. "Qyzyqty derekter" portaly adamǵa eń qaýipti 8 parazıtti bólip kórsetipti. Olar mynalar:
1. Taenia solium (dońyz sepeni)
Bul parazıttiń uzyndyǵy 10 metrge deıin jetedi. Atalmysh qurt eń uzyn qaýipti qurttar tizimine kiredi. Parazıtter adam aǵzasyna dońyzdyń shala pisken etimen birge enedi. İshekke túsken parazıtter taralyp, adamnyń júıke júıesin zaqymdaıdy. Máselen, qoıanshyq aýrýy osyndaı parazıtterdiń kesirinen bolǵan dert.
2. Echinococcus granulosus, ehınokokk sepeni
Uzyndyǵy 3−7 mm bolatyn qurt ehınokokkoz aýrýyn týdyrady. Ol ańshylyq ıtterdiń, qoılardyń, t.b. úı haıýandarynyń aǵzasynda tirshilik etedi. Tazalyq saqtamaǵan adamǵa parazıtter úı haıýandary arqyly juǵýy múmkin. Bul parazıttiń ereksheligi qurttar tómengi temperatýrada da ólmeıdi.
3. Echinococcus multilocularis
Bul da ehınokokktyń bir túri. Soltústik Amerıka, Evropaǵa keń taraǵan. Túlki, kemirýshilermen qatar ıt, mysyqtardyń aǵzasynda tirshilik etedi. Bul parazıt adamǵa taǵam arqyly juqsa alveolárnyı ehınokokkoz degen aýrýǵa shaldyǵady. Nátıjesinde baýyry, mıy jáne basqa da músheleri zaqymdalady. Tipti bul parazıtti aǵzasyna qabyldaǵan jan ólip ketýi de múmkin.
4. Toxoplasma gondii
Bir kletkaly parazıt. Jyly qandy haıýannyń kez-kelgeninde tirshilik etý qabiletine ıe. Ártúrli elderde bul parazıttiń juǵýy 10-nan 80%-ǵa deıin barady. Toxoplasma gondii ásirese júkti áıelderge qaýipti. Júkti áıeldiń aǵzasyna tússe, túsik tastaýy múmkin. Sondyqtan júkti áıelderge úıdegi mysyqtyń qıyn tazalaýǵa bolmaıdy.
5. Cryptosporidium spp
Las sý arqyly nemes durys jýylmaǵan jemis-jıdekter arqyly taraıdy. Sondyqtan jemis-jıdekterdi jer aldynda jaqsylap jýǵan jón.
6. Entamoeba histolytica - dızenterıalyq ameba
Aǵzaǵa túskende ishek qurylysyn, baýyr jumysyn buzatyn parazıt.
7. Trichinella spiralis
Trıhınellez degen ólimge ákep soǵatyn jaman aýrý týdyratyn dóńgelek qurttardyń túri. Dońyz etinen nemese shujyq túrlerinen juǵýy múmkin. Adamnyń kózi men júıke júıesin qatty zaqymdaıdy.
8. Opisthorchiidae
Jalpaq qurttyń túri. Ońtústik Shyǵys Azıaǵa keń taraǵan. Shala qýyrylǵan balyq arqyly taraıdy.
Ázirlegen Dana Qamshybek
