QAJD Almaty oblysyndaǵy túzeý mekemesinde salafıttik mazmundaǵy ádebıetterdiń bolǵanyn rastady,- dep habarlaıdy Qamshy.kz Almaty oblystyq Din isteri basqarmasyna silteme jasap.
Qamshy.kz portalynda jarıalanǵan «Jazasyn ótep shyqqan jigit túzeý mekemesinde ýahhabılik ádebıetterge tyıym salynbaǵanyn aıtady» atty maqalaǵa Almaty oblysy Din isteri basqarmasynan jaýap keldi. Áýeli orys tilinde, keıin qazaqshaǵa aýdarylyp joldanǵan hatta QR İİM-niń Almaty oblystyq Qylmystyq-atqarý júıesi departamenti (QAJD) bastyǵynyń orynbasary B. Júnisovtiń jaýaby keltirilgen.
«LA-155/14 Zarechnyı túzetý mekemesinde dinı ádebıetterdiń erkin taralýy jaıynda jaryq kórgen maqala Almaty oblysy boıynsha qylmystyq-atqarýshy júıe departamenti men jan-jaqty tekserildi.
Aǵymdyǵy jyldyń 28 shilde kúni QAJ jáne Almaty oblysy din isteri basqarmasynyń qyzmetkerleri birlesken túrde atalmysh mekemege tekserý jumystaryn júrgizdi.
Tekserý barysynda tyıym salynǵan nemese ekstremıstik dep tanylǵan qandaı da ádebı jáne aqparattyq materıaldar aıqyndalmady.
Sonymen qatar, maqalada usynylǵan «LA-155/14 t.m» jedel toby tekserildi» mórlengen materıaldarǵa QAJ tarapynan qyzmettik tekserý júrgizilip, atalǵan barlyq ádebıetter Qapshaǵaı qalalyq QR UQKD bólimine jiberilgen, dinı-ekstremıstik, terorıstik jáne ózge de dinı nasıhattaýdaǵy materıaldarǵa tekserý jumystary júrgizildi. Tekserý jumystarynyń qorytyndysy boıynsha atalǵan ádebıetter QMDB-men usynylǵan jáne qoldanýǵa keri pikirlerin bildirmegen, ıaǵnı Qamshy.kz saıtynda kórsetilgen barlyq ádebıetterdiń oryn alýy tań qalarlyqtaı jaǵdaı emes.
Bolashaqta sapaly baqylaý júrgizý jáne tekserilmegen ádebıetterdiń túzetý mekemesine kirý faktilerin joıý maqsatynda, tekserýden ótken dinı shyǵarylymdar Qapshaǵaı qalalyq QR UQKD-niń «La-155/14 t.m» jedel toby tekserildi» mórimen belgilenip otyrǵan», - delingen hatta.
QAJD basshylyǵy sondaı-aq, 2015 jyldyń naýryz aıynda QR Mádenıet jáne sport mınıstrligi paıdalanýǵa tyıym salynǵan, teris sıpattaǵy ádebıetter tizimin jarıalaǵanyn aıtady.
«Alaıda, keıinirek, QR Mádenıet jáne Sport mınıstrliginiń kórsetilgen barlyq shyǵaralymdar, tyıym salynǵan ádebıetter tobyna kiretin, qoldanýǵa jaramsyz jáne teris minezdeme berilgen, sonyń arasynda saıtqa shyǵarylǵan ádebıetter tizimi resmı túrde jaryqqa shyqty. QR Mádenıet jáne sport mınıstrliginiń jáne QAJ komıteti nusqaýlyǵymen negizdelgen tizimdegi 10.03.2015 jylǵa deıingi №14/22-5-3/30 barlyq tyıym salynǵan ádebıetter qoldanystan shyǵarylyp, akt boıynsha joıyldy», - dep habarlaıdy QAJD basshylyǵy.
Al, saıttaǵy maqalada atalatyn jáne sýretteri jarıalanǵan ádebıetterdi, QAJD basshylyǵynyń oıynsha «bostandyqqa shyqqan azamattar tap osy ádebıetterdiń qoldanýǵa ruqsat etilgen kezeńinde jeke bas maqsattaryna paıdalanyp, sonan soń atalǵan ádebıetterge tyıym salynǵan kezde arandatýshy materıal retinde tapsyrýy múmkin» dep sanaıtyn kórinedi.
