Sheteldik sheneýnikter, menedjerler, mınıstrler men premerler de, elderinde daǵdarys bola qalsa jalaqysyz bolmasa az kólemdegi jalaqymen eńbek etetin jaqsy bir patrıottyq dástúr bar eken. Bizde de qazir daǵdarys deıdi. Endeshe, patrıot bolsa, bizdikiler nege solaı istemeıdi? Al, patrıot bolmasa - memlekettik qyzmette ne atasynyń quny qaldy?

Daǵdarys kezinde Taraz oblysynyń ákimdigi 63 myń dollar turatyn qymbat avtokólik satyp alyp jatyr. Jaıaý júrgen joq qoı, bul neǵylǵan ysyrapshyldyq? Qyzmettik avtokólikti jeke sharýaǵa paıdalanýdy tyımaqshy. Al, qyzmettik avtokólik degen uǵym qaıdan paıda bolǵan? Keńestik zamanda avtokólik az boldy. Bastyq ataýlyda menshikti mashınalary bolmaǵasyn, óndiristik, basqarýshylyq qajettilikten qyzmettik avtopark paıda boldy. Endi zaman ózgerdi, kólik tańsyq bolýdan baıaǵyda qalǵan. Basshylardyń bárinde de óz kólikteri bar. Memlekettik joǵarǵy sanattaǵy basshylar bolmasa, qalǵandarynikin qysqartý jaǵyn nege qarastyrmasqa? 
Daǵdarys deıdi. Zeınetaqy qoryna da qol suǵyp jatyr. Daǵdarystyń aýyrtpalyǵyn nege halyq qana kóterý kerek? Halyq kim ne istep júrgenin, ne urlap, qaıda tyqqanǵa deıin kórip otyr. Áshkóz toıym bilmeıdi, topyraq jappaı degen ras eken.

Aqan Jaqyptyń Feısbýktegi paraqshasynan alyndy