Rıo-de-Janeıroda ótip jatqan HHHİ Olımpıada oıyndarynyń besinshi kúni Qazaqstan qorjynyna alǵashqy altyn medaldy salǵan aýyratlet Nıdjat Rahımov 1993 jyly 13 tamyzda Ázirbaıjannyń Baký qalasynda dúnıege kelgen. Qazirgi tańda Qazaq sport jáne týrızm akademıasynyń 3 kýrs stýdenti. Nıdjattyń osyǵan deıin de sportta jetken jetistikteri az emes. Ol 2010 jylǵy mamyr aıynda Valensıada jasóspirimder arasynda ótken Eýropa chempıonatynyń irikteý kezeńinde 290 kg nátıjesimen birinshi oryn ıelendi. 2010 jylǵy 17 tamyzda Sıngapýrde ótken jasóspirimder arasyndaǵy Jazǵy Olımpıadada jeńimpaz atandy. Jattyqtyrýshysy eki dúrkin Álem chempıony Nızamı Pashaev bolatyn. 2014 jyldy tamyz aıynda Nıdjat Ulttyq quramanyń atynan óner kórsetýge kelisip, Qazaqstan azamattyǵyn aldy. Eki jyldyq dıskvalıfıkasıa aıaqtalǵan soń, Rahımov Qytaıda ótken Gran-prı jarysynda alǵash ret Qazaqstan quramasy atynan óner kórsetip, 85 kelige deıingi salmaq sanatynda 4-shi oryndy ıelendi. 2015 jyly qarashada Hústondaǵy Álem chempıonatynda aýyr atletıkadan Qazaqstan quramasy sapynda Álem chempıony atandy. AQSH jerinde Rahımov serpe kóterýde qossaıys qorytyndysy boıynsha úzdik nátıje kórsetti.
Memleket basshysy aýyr atletıka saıysynda altyn medal ıelengen Akademıa stýdenti N.Rahımovty quttyqtaý jedelhatyn joldady. «Qazaqstandyqtar seniń ónerińdi zor qyzyǵýshylyqpen jáne úlken úmitpen tamashalady. Sen olardyń úmitin tolyq aqtadyń. Joǵary sporttyq sheberligiń, jankeshtiligiń men asqan erik-jigeriń saǵan qıyn kúreste myqty qarsylastardy jeńip shyǵyp, Qazaqstannyń olımpıadalyq komandasyna alǵashqy altyn medaldi áperýge kómektesti. Seniń jeńisiń eldiń jas sportshylary úshin laıyqty úlgi bolary anyq», - delingen jedelhatta.
Nursultan Nazarbaev sportshyǵa jańa jeńis pen jetistikter tiledi.
Eske sala ketsek, Rıo-de-Janeıroda 77 kelide erler arasynda óner kórsetken aýyr atletimiz Qazaq sport jáne týrızm akademıasynyń 3 kýrs stýdenti Nıjat Rahımov qossaıystyń qorytyndysy boıynsha 379 keli nátıjemen altyn júldege ıe bolyp chempıon atandy. Chempıon atanyp qana qoımaı, serpe jattyǵýda álem rekordyn jańartty.
