Soltústik Qazaqstanda 6 myń gektar aýksıon arqyly satylǵan. Bul týraly Soltústik Qazaqstan oblysy Aqjar aýdany Bostandyq aýylynyń turǵyny Qaırat Qalı degen azamat málimdep otyr, - dep habarlaıdy Qamshy.kz.

Soltústik qazaqstandyq azamattyń vıdeomálimdemesin qaraǵandylyq belsendi Aıtqoja Fazyl Feısbýktegi paraqshasynda jarıalady.

Jer komısıasynyń kezekti bir otyrysynda JSDP tóraǵasynyń orynbasary Serikbaı Álibaev óńirlerde moratorııge qaramaı jerler aýksıon arqyly satylyp jatqanyn aıtqan bolatyn. S. Álibaev ol málimdemesinen keıin komısıa tóraǵasy A. Myrzahmetovtyń muny joqqa shyǵarǵanyn aıtady.

«S. Álibaev sóziniń jany bar. Shynymen de 31 mamyr kúni 6214 gektar jer aýksıon arqyly satyldy. Men ony dáleldep bere alamyn. Qazir osy másele jóninde sottasyp júrmin. Ol satyp alý-satý týraly barlyq qujattar qolymda bar. Sol sot arqyly jerdi halyqqa qaıtaram ba degen oıym bar», - deıdi ol.

S. Álibaev pen Q. Qalı ótken senbidegi komısıa otyrysyna kire almaǵandaryn da aıtyp otyr.