Islam atyn jamylǵan lańkester quryǵynan qutylyp shyqqan 21 jasar Nada Mýrad The Sun baspasóz ortalyǵyna bergen suhbatynda bas ótkergen qıyndyqtary jaıly aıtyp berdi. Sondaı-aq, ol qyz-kelinshekterdi lańkester arbaýyna túsip qalýdan saqtandyryp, kajetti keńesterimen bólisti, - dep habarlaıdy Qamshy.kz muslim.kz – ke silteme jasap.

Onyń aıtýynsha, tutqyn qyzdar halıfat áskeriniń qolyna eki túrli jolmen túsetin kórinedi. Biri – adam saýdasymen aınalysatyn lańkestik toptar arqyly bolsa, áleýmettik jeli arqyly Sıráıǵa shaqyrǵandardyń shyrmaýyna aldanyp jatqandar da kóp kórinedi.

Al, Nadanyń ózi tutqynǵa týǵan aýylyn sodyrlar jaýlap alǵanda túsken kórinedi. Qolǵa túsken er balalardyń barlyǵy sol kúni-aq satylyp, qyzdardy «jıhadshylar» bólip alǵan.«ISHIM tutqynynda úsh aı ótkizdim. Osy ýaqyt ishinde kórgenderimnen keıin maǵan, tipti, ajal da qorqynyshty emes bolyp qaldy», – deıdi ol. Úsh aı boıy ol ózin kúnde uryp-soǵyp, kórsetken zorlyq-zombylyqtaryn tipti esine de túsirýge qınalatyn jetkizdi. Al, oǵan qarsylyq tanytqandardy nemese qashyp shyǵýǵa talpynǵandardy kópshilik kózinshe jazalap otyrǵanyn aıtady.

«Olardy kóbine Batys áıelderi qyzyqtyrady. Shashy men kózderi ashyq tústi bolǵandaryn unatady. Ǵalamtor betinde sondaı qyzdardy izdestirip otyrady. Olarǵa bul jaqty jumaqtaı ǵyp sýrettep, kelýge úgitteıdi. Olardyń arbaýyna túsip qalatyndar kóp. Alaıda, «aıdalada altyn bar, barsań baqyr da joq» degendeı, jumaq ómirdi ańsap kelgen olar munda tamuqqa túsedi. Lańkester quldyǵyna bir túsken olardyń aman shyǵýy ekitalaı. Zorlyq-zombylyq pen qınaýdan kóz jumady, qashyp shyǵýǵa talpynǵandar kóbinese qolǵa túsip, kópshilik aldynda jazalanyp jatady. Aman qutylǵandary neken-saıaq», – deıdi ol.