Qadirli "qazaıtys" saıtynyń oqyrmandary! "Nur Otan" partıasynyń 15 jyldyǵyna oraı Taldyqorǵan qalasynda ótken "Bir halyq, bir el - bir taǵdyr" atty Respýblıkalyq aqyndar aıtysy máresine jetti.

Dúbirli aıtystyń dúbirin tyńdap otyrǵysy kelgen aǵaıynǵa saıtymyzdyń áleýmettik jelidegi paraqshalarynan shamamyzdyń kelgeninshe jetkizýge tyrystyq. Aıtys qashanda aıtys! Qazaq qashanda qazaq! 5 saǵat boıy tapjylmaı otyryp aıtys tyńdaǵan aǵaıyn taraǵysy joq. Tyńdaı bergisi keledi. Aqyndardyń asyl sózderiniń dámin taýsap tamsanǵan jurttyń yqylasyn nemen ólshep aıtýǵa bolatynyn dál qazir taba almaspyz.

Aıtysta ekinshi aınalym bolǵan joq. Bal boıynsha baǵalady. Esesine aqyndar 45-50 mınýtqa deıin shapty. Jáne aqyndarǵa tosyn tapsyrma berilip, aıtysty ary qaraı jalǵap jatty. "Aıtsyn, aıtyssyn" degen kóptiń yqylasyn elemeı sahnadan qalaı turyp ketsin, aqyndardyń til qyshýy qanǵan saıyn, kórermenniń qulaq quryshy qanyp ekilene túsetini aıtyssúeıer aǵaıynǵa beıtanys minez emes qoı.

Sonymen, bul aıtys týraly, kimniń ne degeni jaıynda keńinen tolǵap maqala jazamyz buıyrsa. Tómende júldeli oryndarǵa ıe bolǵan aqyndardyń reti bylaı:

Bas júlde: Syrym Áýezhan ( 2 mıllıon teńge)

Birinshi oryn: Jandarbek Bulǵaqov (1,5 mıllıon teńge)

Ekinshi oryn: Dıdar Qamıev (1 mıllıon teńge)

Úshinshi oryn: Balǵynbek Imashev (750 myń teńge)

Úshinshi oryn: Arzygúl Qaıymbekqyzy ( 750 myń teńge)

Jáne osy aıtysqa qatysqan aqyndardyń árqaısysyna 500 000 teńgeden syılyq jasaldy.

Ularbek Nurǵalymuly

Kazaitys.kz