Búgin Parlament palatalarynyń birlesken otyrysy aıasynda jýrnalıserge suxbat bergen QR Densaýlyq saqtaý jáne áleýmettik damý mınıstri Tamara Dúısenova zorlanǵan alty jasar qyzdyń jaǵdaıy jaıynda aıtyp berdi. Jaqynda ol bala Aqtaýdyń balalar aýrýxanasynan Astanadaǵy Ana men bala ortalyǵyna aýystyrylǵan bolatyn, - dep xabarlaıdy Qamshy.kz Baq.kz - ke silteme jasap.

«Ázirshe, onyń jaǵdaıy turaqty aýyr bolyp baǵalanyp otyr. Dárigerler barlyq qajetti kómekti kórsetip jatyr. Jalpy, oılaımyn, onyń jaǵdaıy durystalady»,- dep atap kórsetti T.Dúısenova.

Al «emdeý sharalaryna sheteldik dárigerler tartyla ma?» degen suraqqa mınıstr: «Ázirge ózimizdiń dárigerlerdiń kómegi jetkilikti dep esepteımin», - dep jaýap berdi.

Aıta keteıik, tamyzdyń 20-sy kúni Aqtaýda belgisiz bireý 6 jasar qyzdy urlap, zorlap ketken bolatyn. Kishkentaı bala aýyr jaǵdaıda jan saqtaý bólimine túsken. Birneshe kúnnen keıin kúdikti ustaldy degen aqparat tarady. Alaıda onyń atalǵan qylmysqa qatysy bary rastalǵan joq. İzdestirý sharalary jalǵasýda.