Oralda óz kóńildesin óltirýge tapsyrys bergen eks-ákimge qatysty sot úkimi shyqty. Terekti aýdanynyń burynǵy ákimi Jeńis Serikqalıev qatań rejımdegi kolonıada 11 jyl boıy jazasyn óteıtin boldy, - dep habarlaıdy Qamshy.kz 31-arnaǵa silteme jasap.

Eks-ákim Jeńis Serikqalıevten bólek, Terekti aýdanynyń turǵyn úı komýnaldyq sharýashylyǵynyń burynǵy basshysy men onyń kólik júrgizýshisine de úkim shyqty. Sharýashylyq basshysy Qajymuratovqa on bir jyl jáne esirtkige táýeldilikten kúshtep emdelý, al İsmaǵambetovke on jyl bas bostandyqtarynan aıyrý jazasy kesildi. Bıylǵy jyldyń 23 aqpanynda eki azamat Terekti aýdany eks-ákiminiń kóńildesine birneshe pyshaq jaraqatyn salady. Tergeý barysynda Jeńis Serikqalıevtiń óz dosyna kóńildesin óltirýge tapsyrys bergeni belgili bolǵan. Óıtkeni áıel eks-ákimdi ortaq qyzdarymen qorqytyp kelgen. Al tapsyrys alǵan Qajymuratov 500 myń teńgege áıeldi óltirýdi óziniń júrgizýshisine tapsyrypty.