2016 jyldyń 25 tamyzy kúni Almaty oblysy, Taldyqorǵan qalasynda ornalasqan İ.Jansúgirov atyndaǵy mádenıet saraıynda Almaty oblysy  bilim berý qyzmetkerleriniń «Bilimdi el – Máńgilik el» atty dástúrli Tamyz keńesi bolyp ótti.

Bıylǵy pedagogıkalyq keńes bilim berý salasyn qaıta qurý, bilim mazmunyn jańartý máselelerine arnalady. Pedagogıkalyq keńeske oblys ákiminiń birinshi orynbasary L.Turlashov, basqarma basshylary, aýdan ákimderi, bilim berý mekemeleriniń ustazdary, dırektorlary, óńirlik daryndy balalarǵa arnalǵan ortalyqtardyń  basshylary men ókilderi qatysty.

Plenarlyq otyrystyń saltanatty ashylýynda Almaty oblysy Bilim basqarmasynyń basshysy Lázzat Tileýbaıqyzy: «Bilim salasyndaǵy tyń jańalyqtardy ıgerip, týyndaǵan kúrdeli máselelerdiń oń sheshimin tabý – ustazdardyń nátıjesinde aıqyndalatyny barshamyzǵa aıan. Olaı bolsa, bolashaq búgingiden de nurly bolýyna ustazdar qaýymy nyq qadammen daıyn bolýy tıis»,- dep Tamyz keńesine qatýshylardy jańa oqý jylynyń bastalýymen quttyqtady.  Keńes barysynda memlekettik bilim jáne ǵylym salasyn damytý baǵdarlamasyn iske asyrýdaǵy mańyzdy máseleler talqylanyp, bilim sapasyn arttyrýǵa qatysty jańa usynystar ázirlenedi.

Almaty oblysy boıynsha pedagog qyzmetkerlerdiń biliktiligin arttyrý ınstıtýtynyń dırektory Kenjehan İslámjanuly Matyjanov «Biliktilikti arttyrýdyń jańa júıesi: quzyretti pedagog – «Máńgilik eldiń» basty tulǵasy» atty baıandamasynda: «Bizdiń aldymyzda Elbasy bastaǵan, elimiz qoldaǵan asqaraly mindetter tur. Onyń eń bastysy: Qazaqstan Respýblıkasynda orta bilim mazmunyn  jańartýdaǵy bilim berý reformasyn ári qaraı sapaly júzege asyrý. Biz ǵylymı-ádistemelik ortalyq retinde  oblys mektepteriniń ahýalyna áleýmettik zertteý júrgizip, reıtıńin qalyptastyrýǵa, árbir muǵalimniń qyzmettik quzyretin esepke alyp, baqylaý kartasyn jasap berýge daıarmyz»,- dep aıtyp ótti.

Tamyz keńesiniń plenarlyq májilisinen keıin ınstıtýt ádiskerleri seksıa jumystarynda moderator bolyp, oblys pedagogtarynyń biliktiligin shyńdaýǵa óz úlesterin qosty.

Tamyz keńesi aıasynda Almaty oblysy Bilim basqarmasy jáne «Órleý» BAUO» AQ fılıaly Almaty oblysy  boıynsha pedagog qyzmetkerlerdiń biliktiligin arttyrý ınstıtýtynyń muryndyq bolýymen oblystyń bilim berý uıymdarynyń kórmesi uıymdastyryldy.

Plenarlyq májilis sońynda úzdik bilim qyzmetkerlerin maratattaý rásimine ulasty. Almaty oblysy bilim berý qyzmetkerleriniń Tamyz keńesi nátıjesi boıynsha bilim berý mazmunyn  jańartý ıdeıalaryn júzege asyrýǵa baǵyttalǵan oqý úrdisin jetildirý týraly usynymdar qabyldandy.

Gúlzada Bólegenova,

ekonomıka jáne bıznes magıstri

«Órleý» BAUO» AQ fılıaly Almaty oblysy  boıynsha pedagog qyzmetkerlerdiń biliktiligin arttyrý ınstıtýty