Islam Kárimovty emdeýge Reseı, Germanıa jáne Fınlándıa elderiniń bilikti mamandary atsalysty. Ózbekstan Respýblıkasynyń úkimet portalynda habarlandy prezıdentiń syrqaty men qaıtys bolýy sebebi jaıly medısınalyq qorytyndy jarıalandy, - dep habarlaıdy Qamshy.kz QazAqparatqa silteme jasap.
«I.A. Karımov 27 tamyz kúni tańerteńgi 09.00 shamasynda es-tússiz kúıinde Ózbekstan Respýblıkasy Densaýlyq saqtaý mınıstrligi dárigerlik-sanıtarlyq birlestiginiń Ortalyq klınıkalyq aýrýhanasyna jetkizildi. Júrgizilgen zertteýler, sonyń ishinde mıǵa jasalǵan KT naýqastyń mı qan aınalymy torly qabyq astyna qan quıylý (ınsýlt) saldarynan buzylǵanyn anyqtady. Qan qysymy synap baǵanasy boıynsha 250/120 boldy. Júrek soǵysy toqtap qaldy. 20 mınýt ishinde jasalǵan reanımasıalyq sharalar júrek soǵysyn qalpyna keltirýge múmkindik berdi. Osydan keıin naýqasta atonıalyq esten taný bolyp, mı baǵanynyń qyzmetine qysym túsirý tirkeldi. Sol sebepti ol jasandy jolmen tynys berý qurylǵysyna aýystyryldy», - delingen habarlamada.
Tamyzdyń 27-inen 28-ine qaraǵan túni naýqas shet elderdiń bilikti neırohırýrg, kardıolog jáne reanımatologtarymen konsýltasıalandy. Olar: akademık L.A.Bokerıa - A.N.Bakýlev atyndaǵy júrek-qan tamyry hırýrgıasy ǵylymı ortalyǵynyń dırektory (Reseı); akademık A.A.Potapov - N.N.Býrdenko atyndaǵy neırohırýrgıa ǵylymı ortalyǵynyń dırektory (Reseı); profesor Amır Samı (A.Samii) - Gannover ınternasıonaldyq neırohırýrgıa ınstıtýtynyń vıse-prezıdenti jáne atqarýshy dırektory (Germanıa), profesor Djıllı Dreıfýs (G.Dreyvus) - Kardıotorakaldyq ortalyqtyń dırektory (Monako), profesor Húgo Katýs (H.Katus) - Heıdelbergtiń ýnıversıtet janyndaǵy klınıkanyń kardıologıa bóliminiń basshysy (Germanıa), profesor Iýka Hernısnıemı (Y.Hernesniemi) - Helsınkı ýnıversıtetiniń Ortalyq aýrýhanasynyń neırohırýgıa bóliminiń profesory (Fınlándıa).
2016 jyldyń 2 qyrkúıegi kúni jasalǵan sharalarǵa qaramastan 20:15-te júrek qyzmeti toqtady. Qarqyndy reanımasıalyq sharalar nátıje bermedi jáne 20:55-te naýqastyń bıologıalyq ólimi tirkeldi».
Eske sala keteıik, Islam Kárimovtyń janazasy 3 qyrkúıek kúni Samarqanda shyǵarylady.
