Aınalaıyn qajylar sizderge ótinish qajylyqqa baryp alyp, jumaqpen súıinshilengen jandaı sálfıletip sýretke túsip ony elge ınternetke jarıalaýdy qoısańyzdar. Ne masqara bul. Estimegen elde kóp degen. Keshe pálenbeı adamǵa aýyz ashar berip jatqan kezim, aýzymdy aýshyp jatqan kezim, jaýyp jatqan kezim dep orazada bolmap edi endi qajylyqqa baryp Qaǵbanyń aldynda turyp sálfıletip turysyń mynaý. Qaı sasqanyń? Rıashyldyq degen barlyq qajylyǵyńmen qosa ómirińdi jutyp jiberetinin bilmeısiń be?
Mahsharda Alla saǵan "Men úshin ne istediń?" dese "Sen úshin qajylyq jasadym" deısiń be? "Joq, ony el kórý úshin jasadyń, rasynda kórdi" dese ne deısiń? Múmkin Arafatta perishtelermen sálfı jasarsyń? Basyńdy sájdege qoıyp jyla da bir qolyńmen túsirip "jylap aqyretti oılap jatqan kezim" dep te tússeı sýretke. Joq bylaı de: «Aqyrette tozaqqa ketip qalamyn ba, qajylyǵym qabyl bolmaı qala ma?» degen kezim dep te bir túsip qoı.
Shaıtanǵa tas laqtyratyn jerge bar de shaıtanmen de birge tús. Sosyn ony Instragamǵa qoısaı ataqty bolasyń laıyqty kóp jınaısyń biraq saýap jınaı almaısyń. Sen ózińdi óltirip tyndyń ǵoı myna qylyǵyńmen. Álemge Qaǵbaǵa art qarap, qyryn qarap turǵanyńdy jarıaladyń ǵoı. Aqyrette de solaı qalyp qoıamyn dep qoryqpaısyń ba? Shirkin adam degen munshalyqty abyroısyz bola ma? Múmkin erteń janazańdy shyǵaryp jatqanda ony da qoıarsyń Feısbýkke, Instagramǵa. Ólip jatqan kezim, aınalamdaǵylar meniń dostarym qarańdar kóp jınalypty ıaǵnı kóp laıyk dep.
Áleýmettik jeli degender erikkenniń ermegi ǵoı. Ásirsese Instagram degen naǵyz ózimshildik ordasy ǵoı. Sol ermekke sen kelip qajylyǵyńdy, namazyńdy, orazańdy qoıǵanyń ne? Múmkin qabirden de Múnkár, Nánkúrmen de sálfı jasarsyń. «Mynaý meni eki perishte ómrińdi qalaı ótkizdiń dep surap jatqan kezderi dep. Ómirin ózgege jarnamalap sýretpen ótkizgenniń aqyrette tek sýret ómiri ǵana qalady baýyrym.
Iá, myna zaman Islamnyń rýhy ólgen zaman. Joq ol ólgen joq, musylmandar ózderi óltirdi. Bárimiz ólige aınaldyq. Keshegi musylmannyń maǵlumaty tarydaı, ımany taýdaı edi, qazirgi musylmannyń maǵlumaty taýdaı, ımany tarydaı boldy. Burynǵy qajylardyń kózinen jas ketpeıtin bolsa búgingi qajylardyń júzinen kúlki keppeıtin boldy. Qajylyq týrızmge, ınstragamdaǵy egoızmge aınaldy. Mendeı qap-qara kúnáharlar qajylar kelse qolynan súıýshi edik, áýlıe kórýshi edik, táý etýshi edik al endi Shoý etetin boldyq. Tek toılar men telearnalar ǵana emes ǵıbadattarda da shýǵa aınala bastady. Aqyrzaman jaqyndady. Alladan basqa kómekshi joq, Alladan basqa járdemshi joq, Odan basqa kúsh pen qýat ta joq.
Iá, Adam pende pánı adamdarǵa tanylsam dep armandaıdy. Aqyry Baqı Iesine tanylmaı qurdymǵa qulaıdy…
Muhıddın Isaulynyń Feısbýktegi paraqshasynan alyndy
