Jýrnalıs Manas Bestaev Feısbýk áleýmettik jelisinde ózine salafıa aǵymyn ustanýshylar tarapynan shabýyl jasalyp jatqanyn aıtyp dabyl qaqty, - dep habarlaıdy Qamshy.kz.

M. Bıstaevtyń aıtýynsha, teris aǵym ókilderine polısıa qyzmetkerleri de kómekke kelgen kórinedi.

«Búgin saǵat 14.34-te úıime eki áıel jáne saqal qoıǵan bir jigit basyp kirdi. Er adam bolǵan oqıǵany vıdeoǵa túsirip turdy. Áıelderdiń biri maǵan judyryq ala júgirdi. Saǵat 14.47-de úıge polısıa keldi. Olarǵa maǵan shabýyl jasaǵan áıel aryz túsirip, meniń tepkenimdi, sodan jaraqat alǵanyn aıtypty», - dep jazady M. Bıstaev óz paraqshasynda.

Polısıaǵa amalsyz esik ashqan jýrnalısi quqyqqorǵaý organynyń qyzmetkerleri Almaty qalasy Áýezov aýdany İİB-ge jetkizgen. Onda jýrnalısiń kezekshi prokýrormen jolyqtyrý týraly ótinishine polısıa qyzmetkerleri qulaq aspaǵan.

«Odan ári meni esirtki paıdalanǵan, paıdalanbaǵanymdy anyqtaý úshin medısınalyq kýálandyrýǵa apardy. Jol boıy menen áıeldi urdym dep moıyndaýymdy talap etti», - dep jazady jýrnalıs.

M. Bıstaev narkologıalyq ortalyqtan ózi ketip qalǵan. Artynan polısıa qýýǵa árekettenbepti.

Jýrnalıs ózine jasalǵan shabýyldy salafıa aǵymy ókilderi men polısıa birlesip istep otyr dep sanaıdy. Jýrnalıs óziniń qujattaryn úıine kelgen polıseı saqaldy jigitke sýretke túsirýge bergenin de aıtyp otyr.

M. Bıstaev buǵan deıin eldegi teraktilerge qatysty jýrnalısik zertteýler júrgizip, salafızm aǵymy týraly ótkir materıaldar jazǵanyn aıtady. Jýrnalıs polıseılerdiń áreketine narazylyq bildirip, sotqa aryz túsirmek nıette.