Aýǵanstan astanasy Kabýldyń ortalyǵynda halyqaralyq qaıyrymdylyq uıymnyń shtab-páterine shabýyl jasaǵan barlyq 3 sodyrdyń kózi joıyldy, - dep habarlaıdy Qamshy.kz 24.kz - ke silteme jasap.
Olar aldymen 2 jarylys jasap, sosyn ǵımaratty basyp alǵan. Polısıamen aradaǵy atys 11 saǵatqa sozylyp, bir beıbit turǵyn ajal qushty. Taǵy júzden astam adam jaralandy. Al osynyń aldynda 2 jankeshti Qorǵanys mınıstrligi ǵımaratynyń janynda ózin-ózi jaryp jibergen edi.
Sońǵy málimet boıynsha, lańkestik áreketterden qaza tapqandar sany 35 adamǵa jetti. Marqumdardyń arasynda Aýǵanstan prezıdentiniń kúzet qyzmeti basshysynyń orynbasary men joǵary shendi polısıa qyzmetkerleri bar. Shabýyldardy «Talıban» ekstremıstik qozǵalysy óz moınyna alǵan.
