Baıan Esentaeva telejúrgizýshi Dınara Sátjanǵa 10-shy maýsym oqıǵasynan keıin alǵash ret suhbat berip, jurt kókeıindegi suraqtarǵa degen jaýaýpty óz aýzynan aıtyp berdi - dep Qamshy.kz tilshisi habarlaıdy. Vıdeosuhbat Dınara Sátjannyń YouTube hostıngindegi arnasynda paıda boldy.
Baıan Esentaeva " Men jaıly túrli alyp- qashpa áńgimeler aıtylyp jatyr. "Báribir shyndyq ashylady, jaqsysy óz aýzymnan aıtqanym durys bolar dep sheshtim "- deıdi.
Eske salaıyq, Baıan Esentaeva 10 maýsymda aýyr jaǵdaıda Talǵardaǵy aýrýhanaǵa túsken bolatyn. Tergeýdiń málimetinshe, ony kúıeýi Baqytbek Esentaev aıaýsyz uryp soǵyp, birneshe ret pyshaqtaǵan. Bul oqıǵa Eńbekshi aýylynyń mańynda Qulja tas jolynda bolǵan.
Baqytbek Esentaev ustalyp, Talǵar aýdandyq ishki ister basqarmasyna jetkizildi. Keıin İİB ókilderi medısınalyq kýálandyrý qorytyndysy boıynsha Baqytbek Esentaevtyń mas bolǵanyn aıtty. Ol óz kinásin moıyndap otyr eken. İs "Adam óltirýge oqtalý" baby boıynsha tergelip jatyr. Esentaeva aýrýhanada 10 kún boldy, biraq úıine shyqqannan keıin juldyz Eýropanyń Fransıa elinde elden jyraq tynyǵyp, em alyp qaıtty.
