«Habar» Agenttigi 2016 jyldyń 7 qyrkúıeginen bastap Rınat Kertaev «Habar» Agenttigi» AQ Basqarma tóraıymynyń orynbasary qyzmetine, al Sandýǵash Rahymjanova «Habar» arnasynyń dırektory qyzmetine taǵaıyndaldy, - dep habarlaıdy Qamshy.kz Baq.kz - ke silteme jasap.
«Agenttik transformasıadan ótip jatqan tusta bul qyzmetke taǵaıyndalý úlken jaýapkershilik ekeni sózsiz. Aldymyzda kúrdeli mindetter tur, biraq bizdiń naqty josparlarymyz bar jáne batyl qımyldarǵa kóshpekpiz», - deıdi Rınat Kertaev.
Rınat Dýmanuly Kertaev 1983 jyly 23 sáýir kúni Jambyl oblysynda dúnıege kelgen. 2005 jyly Ál-Farabı atyndaǵy Qazaq Ulttyq ýnıversıtetiniń «Qoǵammen baılanys» mamandyǵyn bitirgen. «Habar» Agenttigindegi eńbek joly 2006 jyly qazaq tilindegi oıyn-saýyq baǵdarlamalar redaksıasynyń prodúseri retinde bastalady. 2010 jyldan 2011 jylǵa deıin jańalyqtar bóliminde sarapshy-redaktor boldy. QR Investısıalar jáne damý mınıstrliginiń «Aqparat salasynyń úzdigi» tósbelgisi, memlekettik «Daryn» syılyǵy, «Baspa jáne aqparatty damytýdaǵy eńbegi úshin» TMD Parlamentaralyq Assambleıasynyń tósbelgisimen marapattalǵan, sondaı-aq QR Prezıdenti Grantynyń ıegeri. Buǵan deıin «Habar» arnasynyń dırektory qyzmetin atqardy.
«Birneshe jyl jumys istep kelejatqan arnany basqarý bir jaǵynan qýanysh bolsa, ekinshi jaǵynan tolqý týdyrady. «Habar» arnasynyń búkil ujymy kúzgi telemaýsymǵa bar kúshimen daıyndaldy. Aldymyzda qyzyqty jáne san alýan jobalar kútip tur, olardyń arasynan ár kórermen ózine qajettisin tabady» - deıdi Sandýǵash Rahymjanova.
Sandýǵash Rahymjanova 1983 jyly 5 qyrkúıek kúni Qaraǵandy qalasynda dúnıege kelgen. 2004 jyly Ál-Farabı atyndaǵy Qazaq Ulttyq ýnıversıtetiniń «Jýrnalısıka» mamandyǵyn támamdaǵan. 2006 jyly M.Lomonosov atyndaǵy Máskeý memlekettik ýnıversıtetinde magıstr dárejesin alǵan. «Habar» arnasyndaǵy eńbek ótilin 2012 jyly marketolog-taldaýshy retinde bastaǵan. 2013 jyly «Habar» arnasynyń baǵdarlamalar dereksıasynyń basshysy bolyp taǵaıyndalady. 2016 jyldyń shildesinen bastap «Habar» arnasy dırektorynyń orynbasary laýazymynda boldy.
