Almatydaǵy Abylaı han men Raıymbek dańǵyldarynyń qıylysyndaǵy úılerdiń biriniń qoqys konteınerinen dene bólshekteri tabylǵan er adam Kentaýdan kelgen bolyp shyqty, - dep habarlaıdy Qamshy.kz Tengrinews.kz - ke silteme jasap.

Qaza bolǵannyń týysynyń aıtýynsha, ol pyshaq jaraqatynan qaza tapqan. "Ony 6 qyrkúıekte, seısenbi kúni óltirip ketken. Tergeýdiń málimetinshe, ol pyshaq jaraqatynan ólgen. Jerleý rásimi 9 qyrkúıekte ótedi. Men Almatyǵa bara jatyrmyn. Ony qalada jerleımiz, onyń balasy joq, otbasy qurmaǵan. Mán-jaıyn bilmeımin", - dedi ol.

Aıta keteıik, osyǵan deıin Abylaı han jáne Raıymbek dańǵyldarynyń qıylysynda ornalasqan úıdiń aýlasyndaǵy qoqys jáshiginde er adamnyń dene múshelerin tapqany jaıly aıtylǵan edi. Aldyn ala málimet boıynsha, adamnyń qaldyqtary - basy jáne qoly. Ol konteınerdiń ishindegi múshelerdi qoqys jáshikterin qarap júrgen úısiz adam kórgen. Polıseıler tergeý jumystaryn júrgizip jatyr, kýágerlerdi surastyryp jatyr. Oqıǵa ornyna qalalyq İİD-niń basshysy Serik Kúdebaev keldi. Sondaı-aq oqıǵa ornynda prokýrorlar da jumys jasap jatyr. 

QR İİM resmı ókili Almas Sádýbaevtyń aıtýynsha, er adamnyń máıitiniń tabylýyna baılanysty sotqa deıingi tergeý jumystary QR qylmystyq Kodeksiniń 99-baby ("Adam óltirý") boıynsha júrgizilip jatyr. Polısıa qyzmetkerleri qylmys bolǵan páterdi de anyqtaǵan.

Sonymen qatar, kórshi páterde turatyn áıel túngi ýaqytta eshqandaı aıqaıdy estimegenin aıtty. Ol páterdiń jalǵa beriletinin rastady.