«Attan qazaq» dep asa taıaǵyn ustap júretin Amantaı qajy jas boıjetkendi toqaldyqqa aldy. Jas kelin  qajynyń talaptaryna saı keletin kórinedi,- dep habarlaıdy Qamshy.kz. 

Amantaı qajy Muhıt Saparbaıdyń avtorlyq baǵdarlamasyna suhbat berip, jas toqalyn halyqqa tanystyrǵan.

Qyzdyń páktigine basa mán beretin qajy toqal izdep júrgenin birtalaı ýaqyt buryn aıtqan bolatyn. Osydan birneshe jyl buryn bergen suhbatynda ol:

   «Toqal bolýǵa laıyqty qyz kezdesse, óz basym oǵan daıynmyn. Biraq pák qyz kezdespeı júr. Qyryqqa jýyq qyz toqal bolýǵa kelisimin berip, úıime de keldi. Olardyń qyz emestigin bilip, barlyǵyn qýyp jiberdim. Men taza qyzdy bes metr jerden bilemin. Buıyrtsa, toqal alatyn kún de keledi. Barlyǵy Allanyń rızashylyǵymen bolady ǵoı», – degen edi.

Endi, mine, Allanyń qalaýymen Amantaı qajy buryn-sońdy turmys qurmaǵan pák qyzyn tapty. Boıjetken jastyǵyna qaramastan, basynan oramalyn tastamaıdy eken. Amantaı qajy – “Nevada – Semeı” qozǵalysynyń uıymdastyrýshylarynyń biri. 2005 jylǵy saılaýda ol Ortalyq saılaý komısıasyna prezıdenttikke úmitker retinde tirkelgen.

Sýretter stan.kz saıtynan alyndy