Parıjdegi Noto-Dam sobory aldyndaǵy qarýly polısıa jasaǵy, Fransıa.

Fransıa bıligi zorlyq-zombylyq áreketin jasaýǵa daıyndaldy degen sezikti "radıkaldanǵan" úsh áıeldiń qamalǵanyn habarlady,- dep málimdeıdi Qamshy.kz. Azattyqqa silteme jasap. Áıelder Parıjdegi Notr-Dam sobory janyna ishinde benzın quıylǵan kanıstri bar kólik qoıyp ketýine qatysty tergeý aıasynda ustalǵan. "39, 23 jáne 19 jastaǵy bul áıelder radıkaldanǵan jáne fanattar, olar taıaý ýaqytta zorlyq-zombylyq jasaýdy josparlaǵanǵa uqsaıdy" dep málimdedi Fransıa ishki ister mınıstri Bernar Gaznev telearnadan.

Mınıstrdiń sózinshe, kúdiktilerdiń biri ustaý kezinde polısıa qyzmetkerine pyshaq salmaq bolǵanda atys qarýynan jaralanǵan.

Buǵan deıin Fransıa prezıdenti Fransýa Olland sońǵy kúnderi elde shabýyldyń aldy alynǵanyn habarlaǵan, biraq ol týraly tolyq aqparat bermegen.

2015 jyly qarashada Parıjde 130 adam qaza tapqan ıslamshyl sodyrlardyń shabýyldarynan soń Fransıada terrorlyq qaýip-qaterdiń deńgeıi joǵary dep jarıalanǵan.