Sırıadaǵy kómek kórsetetin ondaǵan top BUU-men birge jumys isteýdi toqtatatynyn, sebebi uıymnyń birqatar agenttikteri men seriktesteri prezıdent Bashar Asad bıliginiń "yqpalynda ekenin" málimdedi,- dep habarlaıdy Qamshy.kz  Azattyqqa silteme jasap.

BUU-nyń gýmanıtarlyq máselelerdi úılestirý basqarmasyna jiberilgen hatqa barlyǵy 73 toptyń ókilderi qol qoıǵan. Olar sonymen qatar Sırıadaǵy BUU agenttikteriniń jumysyna tekserý júrgizýdi de talap etedi.

Hatqa qol qoıǵan uıymdar arasynda Sırıa-amerıka medısına qaýymdastyǵy, "Aq kaskalar" degen ataýmen de belgili, kóterilisshiler baqylaýyndaǵy terıtorıalarda jumys isteıtin "Sırıa azamattyq qorǵanysy" uıymy bar. BUU ókili Stefan Dýıarıch aıyptaý men BUU-nyń keıbir agenttikteri Sırıa rejımimen jumys istesedi degen tujyrymdy teristedi.

Al Sırıada úkimet áskeri men olardyń odaqtastary kóterilisshiler baqylaýyndaǵy Aleppoda jańa terıtorıalardy qaıtaryp, qalany qorshaýdy kúsheıtti. Altynshy jylǵa sozylǵan Sırıadaǵy soǵysta 290 myń adam qaza tapty. Halyqaralyq qaýymdastyqtyń qaqtyǵysty toqtatý jaıyndaǵy áreketterinen ázirge nátıje joq.