Tanymal prodúser Baǵym Muhıtdenova Baıan Esentaevanyń el aldyna májbúrlikten shyqqanyn aıtyp, qynjyldy. Bul úshin ol BAQ qyzmetkerlerin kinálady.
Baıan Esentaevanyń basynan ótken aýyr jaǵdaı búkil halyqty shýlatty. Ásirese, onyń otbasy, týǵan-týystary ol úshin qatty alańdaýda. Atyshýly oqıǵaǵa qatysty aqparat quraldarynyń habar taratýyna Baıan da, onyń týystary da narazy. Alaıda elimizdegi eń tanymal prodúserdiń ómiri men shyǵarmashylyǵy atyshýly oqıǵaǵa deıin de el nazarynan tys qalmaǵan edi. Esentaevanyń sińlisi bolǵan oqıǵalardyń janyna qatty batqanyn aıtty,- dep habarlaıdy Qamshy.kz Stan.kz silteme jasap.
«Tanymaldylyq… Onyń óteýi aýyr bolyp shyqty… BAQ quraldary men telearnalar seni aıamaıdy… Seniń JEKE ómiriń barlyǵyn qyzyqtyrady… Ne, qalaı, nege, ne úshin, jaıdan jaı emes, demek sebebi bar, SAÝAP BOLDY, ÓZİNE SOL KEREK – ólimge bir taban jaqyndaýdyń ne ekenin elestete de almaıtyn adamdardyń pikirleri osy. Baıanǵa ne tileseńizder, Alla sizderge sony eki eselep qaıtarsyn!!! Telearna reıtıńin kóterý úshin óz erejelerine baǵynady. Jýrnalıser Baıannyń, onyń balalary men ata-anasynyń qandaı kúıde ekenin oılanbastan jeke ómirine qol suǵady (áriptes ekenderińizdi bile tura). Eger de BAQ quraldary Baıannyń JEKE ómirine aralasa bermegende, qaıtalap aıtamyn, JEKE ómirine, ol bul suhbatty bermes edi! El aldyna shyǵýǵa májbúr boldy. Ony barlyq telearnalar men aqparat quraldary da túsinip turǵan shyǵar. Tańǵalýdamyn, munyń bári janyma aýyr tıip jatyr…» – dep jazdy Baǵym Muhıtdenova jelidegi paraqshasynda.
Aıta keteıik, Baıan Esentaeva áriptesi ári qurbysy Dınara Sátjanǵa eksklúzıvti suhbat berip, 10 maýsymda bolǵan oqıǵa týraly óz aýzymen aıtyp berdi. Prodúser moraldyq turǵydan da, fızıkalyq turǵydan da tolyq qalypqa kelmegenin aıtty. Sondaı-aq, erler qaýymynan zorlyq-zombylyq kórgen áıelderdi qorǵaý asosıasıasyn qurý oıynda bar ekendigin tilge tıek etti. Esentaeva kúıeýi Baqytbek Esentaevtyń kazınoǵa qumarlyǵyn da moıyndady.
