Qazaqstanda parandja men nıkabqa tyıym salynbaýy múmkin. Bul týraly UKK tóraǵasynyń orynbasary Marat Qolqobaev "Ekstremızm men terorızmge qarsy kúres máseleleri boıynsha Qazaqstan Respýblıkasynyń keıbir zańnamalyq aktilerine ózgerister  men tolyqtyrýlar engizý týraly" zań jobasynyń tanystyrylymy kezinde málimdedi, - dep habarlaıdy Qamshy.kz Nur.kz - ke silteme jasap.

Qolqobaevtyń aıtýynsha, bul jobany tanystyrmas buryn jumys toby ózge elderdiń tájirıbesin jiti zerttegen. Onyń ishinde, parandja men nıkab kıýge tyıym salý máselesi qamtylǵan Germanıanyń terorızmge qarsy zańdaryna nazar aýdarǵan.

«Germanıada byltyr baılanys operatorlaryn abonentterdiń qońyraýlary men baılanystary jónindegi derekterdi saqtaýǵa mindetteıtin zań qabyldanǵan-dy. Sonymen birge, Germanıada nıkab men parandja kıýge tyıym salý, mıgranttardy deportasıalaý jáne 14 jastan bastap qylmystyq jaýapkershilikke tartý týraly usynystar da qaralyp jatyr. Dárigerlik qupıany da alyp tastaý múmkindigi talqylanýda", - dep málimdedi Qolqobaev.

Alaıda, jumys toby Qazaqstanda dinı kıim kıýge tyıym salý máselelesi qaralmaıtynyn aıtty.

«Halyqaralyq tájirıbeni zertteý arqyly kıim kıisti shekteý máseleleri orynsyz dep tanyldy", - dep qorytyndylady Qolqobaev.