Almazbeka Atambaevtyń kishi qyzy Alıa Shagıeva tórt  jyl dostasqan jigitine turmysqa shyqty. Bul týraly «Komsomolskaıa pravda» basylymy jazady.

 Óziniń toıy jaıynda Alıa Instagram-daǵy paraqshasynda habarlaǵan. Prezıdenttiń qyzy Konstantın esimdi jigittiń ómirlik jary atandy. Alaıda azamattyń jeke ómiri jaıynda maǵlumattar joq.

 Alıa Shagıevanyń mamandyǵy dızaıner. Bir aı buryn ol jastarǵa arnalǵan avtorlyq kıim úlgisin shyǵara bastady. Al kóktemde Bishkek qalasynda Prezıdenttiń qyzynyń "Metamorfozy" dep atalatyn jeke kórmesi ótti. Kórmeden túsken qarjyny sýretshi qyz Daýn sındromomymen aýyratyn balalardyń ata-analary qurǵan  «Santerra» qoryna aýdarǵan.

«Ákesiniń arqasynda júr» degen sózge qalyp, ákesiniń basyna daý-damaı shaqyrmas úshin sýretshi qyz shyǵarmashylyq jumystaryn anasynyń famılıasymen jarıalaıdy eken.

Qyrǵyz Prezıdenti Almazbek Atambaev óz otbasy týraly aıta bermeıdi. Jurtqa belgilisi —  onyń eki áıelinen alty balasy bar. Úsh qyz jáne úsh ul. Ekinshi áıeli Raısa Atambaeva — dáriger, medısına ǵylymdarynyń kandıdaty. Jýyrda ǵalamtor arqyly Prezıdenttiń ánderine jazylǵan vıdeoklıp tarady. Prezıdenttiń baspasóz qyzmeti el basshysynyń barlyǵy bes án jazǵanyn, jáne bunyń qyrkúıek aıynda atalyp ótiletin 60 jyldyq mereıtoı qarsańynda týystaryna jasaǵan syıy ekenin málimdedi.