AQSH-tyń qazrgi Prezıdenti Barak Obama Donald Trampty shataq minezdi ári  talaı dúnıeden habarsyz degen baǵa berdi. Donald Tramptyń el basshyǵa laıyq qabiletke ıe emestigi týraly Obama Laosta júrgende aıtqan. Bul týraly BBC habarlaıdy.

«Men bul kisini AQSH Prezıdenti bolatyndaı qasıetterge ıe dep oılamaımyn. Onyń árbir málimdemesi meniń baǵamnyń durys ekendigin dáleldeıdi» dedi Obama.

Prezıdent bolý, onyń ishinde shet el basshylarymen kezdesý ońaı sharýa emestigin aıtqan Obama «Sen ne aıtyp turǵanyńdy bilýiń kerek. Aldyn ala daıyndalyp, «úı jumysyn» jasaýyń kerek. Sóılegende seniń sóziń júzege asatyn muqıat oılastyrǵan saıasatty tanytýy kerek» dedi Obama.

Esterińizge salaıyq, respýblkıalyq partıa atynan AQSH prezıdenttiginen úmitker bop otyrǵan Donald Tramp saılaýda jeńgen jaǵdaıda Reseımen jáne onyń Prezıdenti Vladımır Pýtınmen óte jaqsy qatynas ornatatynyn málimdegen bolatyn.