Oqý jyly bastalýyna bir apta qalǵanda Kúrd jumysshylar partıasymen baılanysy bar degen kúdikpen eldegi 11 myńnan astam muǵalim qyzmetinen ketti. Bul kórsetkish 14 myńǵa jetýi múmkin. Bul týraly VVS habarlaıdy.

Qazrigi tańda 11285 ustaz májbúrli túrdegi aqyly demalysqa shyǵarylǵan. «Anadolý» aqparat agenttiginiń málimetine súıensek, qyzmetten qýylǵan muǵalimderge separatıstik terrorlyq uıymdarmen baılanysy bar degen aıyp taǵylýda.

Túrkıada barlyǵy 850 myńdaı muǵalim bar. Muǵalimder eldiń naqty qaı aımaqtarynda qysqartýǵa ushyraǵany belgisiz. Kúrdter negizinen Túrkıanyń ońtústik-shyǵys óńirinde, Sırıa, Irak jáne Iranmen shekaralas aýdandarda turady.

15 shildedegi tóńkeris áreketinen keıin el úkimeti aýqymdy tazartý jumystaryn bastaǵany belgili. 80 myńnan astam adam, onyń ishinde áskerıler, jýrnalıser, sýdıalar, dekandar, Fethýllah Gúlenmen baılanysty degen jalamen jumyssyz qaldy. Sol kezde Túrkıanyń joǵary bilim jónindegi basqarmasy ýnıversıtetterdegi 1577 dekandy qyzmetinen ketirýdi talap etken edi.