Kárim Másimovtiń kútpegen jerden Ulttyq Qaýipsizdik komıtetiniń tóraǵasy bolyp taǵaıyndalýy neni bildiredi? «Kelesi premer kim bolady?» degennen góri, Másimovtiń jańa qyzmetiniń astary kesheli beri áleýmettik jelilerde qatty talqylanyp jatyr. El arasynda jeldeı esken qaýesettermen, alýan túrli aıtylǵan pikirlerge birer saǵat buryn Nursultan Nazarbaevtyń ózi jaýap berdi, - dep habarlaıdy Qamshy.kz 31-arnaǵa silteme jasap.
Qazaqstan tarıhynda Úkimettiń tizginin eń uzaq ustaǵan Kárim Másimovtyń kútpegen jerden Ulttyq qaýipsizdik komıtetiniń tóraǵasy bolyp taǵaıyndalýy saıasatkerlerdi de, bylaıǵy jurtty da beıjaı qaldyrmaǵany anyq. Sońǵy kezderi ózi de, tvıteri de únsiz qalǵan Qajymqanulyn «jumbaq tulǵaǵa» balaıtyndar da kóp. Aqyry qupıa qyzmetke kelgen eks-premerdiń endigi mısıasy qandaı bolmaq? Tańdaý nege Másimovke tústi? Prezıdent ony bylaı túsindirdi.
NURSULTAN NAZARBAEV, Qazaqstan Respýblıkasynyń prezıdenti:
- Kárim Másimovty óziniń kelisimi boıynsha, qazirgi ýaqytta óte qajet bolyp otyrǵanyn kórip otyrsyzdar. Terorızm bar, basqasy bar. Tájirıbesi bar.
Saıası sheshim osyndaı boldy. Endigi másele-terrorızm qaýpi kúsheıgen shaqta, Másimov qaýipsizdik qyzmetine qanshalyqty qundy jańalyq engize alady? Bul turǵyda sarapshylardyń pikiri ekiushty.
RASÝL JUMALY, saıasattanýshy:
- Ekstremızm, halyqaralyq jaǵdaı máz emes kúrdeli. Sondyqtan ulttyq qaýipsizdik komıtetiniń mańyzy da artyp otyrǵan jaǵdaıy bar. Sondyqtan, Másimov sıaqty senimdi ókilin qoıý qaýipsizdik máselesine degen belgili bir jaýapkershiliktiń artqanynyń kórsetkishi.
Al, keıbir sarapshylar kerisinshe "Bul Másimov úshin ýaqytsha qyzmet, araǵa bir-eki jyl salyp ol qupıa qyzmetten jarıa qyzmetke qaıtyp oralady" degen senimde. Qalaı bolǵanda da Kárim Qajymqanuly prezıdentke jaqyn ári eń yqpaldy tulǵalardyń biri. Memleket basshysy eń áýelden Másimovti erekshe tanystyrǵan bolatyn.
NURSULTAN NAZARBAEV, Qazaqstan Respýblıkasynyń prezıdenti:
- On ýrojenes Selıngrada, kazah. Vse soppodaet, daje ý nego estýsy.
