Búginde Qaırat tanymal ári qaltaly ánshi. Ózin osy bir  deńgeıde ustap turý  úshin Qaırat jarnamanyń túrli amaldaryn  úırengen. Úlken shaharlarda jeke keshterin "shoý" qylyp ótkizse, aımaqtarda "qymbat kostúmin" laqtyrady, al aýyldarda "qaıyrymdylyq sharalaryn" jıi uıymdastyrady, - dep habarlaıdy Qamshy.kz.

"Juldyzdar jarqyraıdy" baǵdarlamasynyń keıipkeri bolǵan ánshi aldaǵy josparlarymen bólisti.

Oǵan qosa, Qaırattyń ónerin qaıtalaǵysy kelip, oǵan elikteıtinder qanshama. Sondyqtan bolar, ánshi ınstagram paraqshasy arqyly án baıqaýlardy jıi jarıalaıdy. Jaqynda jarıalaǵan saıysynyń sharty boıynsha ánshiniń hıt ánderin sezimmen, júrekpen oryndap shyqsa bolǵany eken. 
 
Qaırat Nurtas, Ánshi:
- Jeńimpaz menimen birge karaokede án salady, Alla basyna baq berse menimen birge dýet aıtyp  úlken sahnalarǵa da shyǵýy múmkin.

Al, arasynan sýyrylyp shyqqan ónerlilerin ánshi óziniń prodúserlik ortalyǵyna da alýy múmkin. 
 
Qaırat Nurtas,  ánshi:
- Sondyqtan meniń ánderimdi oryndap aıtyńyzdar.
 
Baıqaý qyrkúıek aıynyń ortasynan deıin jalǵasady. Qapy qalmańyzdar!  Aıtpaqshy, Qaırattyń hıt ánderin jas ónerpazdar elimizde ǵana oryndap júrgen joq. Kórshi el: Reseı, Ázirbaıjan men Belorýsıada aıtyp júrgender jeterlik eken. Tipti, Reseıdiń myna bir ánshisi «Múmkin emes» ánin oryssha aýdaryp oǵan «ty ne so mnoı» degen ataý berip,  beınebaıan da túsirip alypty.

Qaırattyń Núshamen aıtqan dýeti talaılardyń kóńilinen shyqqany sonsha, qazaqtyń toılaryna birge shaqyratyn bolǵan. Mynaý Shymkent qalasyndaǵy toılardyń biri.

Degenmen, ánshiniń armany zańy qatal Reseıdiń shoý-bıznesin baǵyndyrý eken. Armanyn iske asyrý úshin árkettenip te júr. Jaqynda Máskeýde jeke keshin berip qaıtqan. Endigi jospary Kremlde zal toltyrý. 
 
Qaırat Nurtas, ánshi:
-Armanym Kremlge baryp kesh berý. Izvestıe degen jerinde berdim. Onda úsh myń adam sıady. Al, Kremldegi zalǵa 7 myń adam sıady. Arjaǵynda 4 myń adam jınaý qıyn emes dep oılaımyn.

Árıne, eńbekqor ánshige qıyn bolmaıtynyna senimdimiz. 
 
Qaırat Nurtas, Ánshi:
- Jalpy men daıynmyn. Men shet tilinde de án sala alamyn. Orys tilinde de án sala alamyn. Múmkin sol eldiń tanymal ánin sol tilde oryndaıtyn shyǵarmyn. Biraq, ázirge bilmeımin.
 
Qaırattan únemi jańalyq kútetin kórermenge ánshiniń jańalyǵy da bar eken. Jaqynda, ıaǵnı qarasha aıynda jeke keshin ótkizbek. Ázirge juldyz qaıda, qalaı bolatynyn qupıa ustaýda.