Ońtústik Qazaqstan oblysynda tamaq ónerkásibine jańa serpilis beretin «Tamaq ónerkásibi» - Agroprom Shymkent 2016 kórmesi ótti. Sharaǵa oblys ákiminiń orynbasary S.Tuıaqbaev, OQO kásipkerik, ındýstrıaldy-ınnovasıalyq damý jáne týrızm basqarmasynyń basshysy M. Qarabaev jáne Jambyl oblysynan kelgen qonaqtar qatysty, - dep habarlaıdy Qamshy.kz Baq.kz - ke silteme jasap.
Kórmede azyq-túlik jáne sýsyn túrlerin, olardy shyǵarýǵa arnalǵan jabdyqtar men tehnologıalardy, ydys pen qaptamany óndirýge arnalǵan materıaldar men jabdyqtardy usynyldy. “AgroProm Shymkent 2016” kórmesiniń aıasynda tolyqqandy iskerlik baǵdarlamalar qarastyryldy.
Atap aıtqanda shara kezinde «Ońtústik Qazaqstan oblysynda tamaq ónerkásibin damytý: úrdisteri men perspektıvalary» taqyrybynda dóńgelek ústel ótti. Sondaı-aq, Ońtústik óńiri men Jambyl oblysynyń arasynda kooperasıany damytý aıasynda memorandýmǵa qol qoıyldy.
Aıta ótý kerek, jyl basynan beri Ońtústik óńirinde tamaq ónerkásibine 3 mlrd. teńgeden astam ınvestısıa salynǵan. Dál osy kórsetkish jyl sońyna deıin eselene túsedi degen jospar bar.
Máselen, taıaýda Qazyǵurt aýdanynda “Lotus Food Company LLC” JSHS tez daıyndalatyn kespe jobasy júzege asyryldy. Dál osy jobaǵa 471 mln. teńge kóleminde ınvestısıa salynǵan.
