Nurlan Ermekbaev QR Din isteri jáne azamattyq qoǵam mınıstri qyzmetine taǵaıyndaldy, - dep habarlaıdy Qamshy.kz Aqordanyń baspasóz qyzmetine silteme jasap.
"Nurlan Baıuzaquly Ermekbaev Qazaqstan Respýblıkasynyń Din isteri jáne azamattyq qoǵam mınıstri bolyp taǵaıyndalsyn, ol Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy qyzmetinen bosatylsyn", - delingen Prezıdent Jarlyǵynda.
Nurlan Baıuzaquly Ermekbaev 1963 jyly týǵan.
1986 jyly KSRO Qorǵanys mınıstrliginiń Máskeýdegi Áskerı Qyzyltýly ınstıtýtynyń shyǵys tilderi fakúltetin támamdaǵan.
1996 jyly Qazaq memlekettik sáýlet-qurylys akademıasynyń ekonomıka fakúltetin bitirgen.
Orys, qytaı, aǵylshyn jáne portýgal tilderin meńgergen. Saıası ǵylymdar kandıdaty.
İ synypty Tótenshe jáne ókiletti ýákil dıplomatıalyq rangi bar.
1984-1985 j.j. – Angola Halyq Respýblıkasynda qyzmettik issaparda boldy.
1986-1996 j.j. – KSRO Qarýly Kúshteri Bas shtaby júıesindegi bólimderde qyzmet etti.
1991 j. KSRO QK qatarynan bosatylǵan soń syrtqyekonomıkalyq kompanıalardy basqarǵan.
1993-1995 j.j. – Qazaqstan Respýblıkasynyń Qytaı Halyq Respýblıkasyndaǵy Saýda ókildiginiń aǵa sarapshysy.
1996-1997j.j. – Avstrıadaǵy Qazaq saýda úıiniń Almaty ókildiginiń dırektory.
1995-1996 j.j. – Almaty saýda-qarjy banki basqarma tóraǵasynyń keńesshisi.
1997-1999 j.j. – «IýNITEK LTD» JSHS dırektory.
1999-2001 j.j. – «Qazaqstannyń halyq banki» AAQ-nyń Qytaı Halyq Respýblıkasyndaǵy ókildiginiń basshysy.
2001-2003 j.j. – Qazaqstan Respýblıkasynyń Qytaı Halyq Respýblıkasyndaǵy Elshiliginiń keńesshisi.
2003-2004 j.j. – Qazaqstan Respýblıkasynyń Sıngapýrdaǵy ýaqytsha senimdi ókili (Dıpmıssıa basshysy).
2004-2006 j.j. – Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi.
2006-2007 j.j. – Qazaqstan Respýblıkasy Prezıdentiniń Keńesshisi – Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi.
2007-2010 j.j. – Qazaqstan Respýblıkasy syrtqy ister mınıstriniń orynbasary.
2010-2012 j.j. – Qazaqstan Respýblıkasy Prezıdentiniń kómekshisi.
2012-2014 j.j. – Qazaqstan Respýblıkasynyń Qytaı Halyq Respýblıkasyndaǵy Tótenshe jáne ókiletti elshisi.
2012-2013 j.j. – Qazaqstan Respýblıkasynyń Vetnam Sosıalısik Respýblıkasyndaǵy Tótenshe jáne ókiletti elshisi qyzmetin qosa atqarýshy.
2012-2014 j.j. – Qazaqstan Respýblıkasynyń Koreıa Halyqtyq Demokratıalyq Respýblıkasyndaǵy Tótenshe jáne ókiletti elshisi qyzmetin qosa atqarýshy.
2014 jyldyń qarashasynda Memleket basshysynyń Jarlyǵymen Prezıdenttiń kómekshisi – Qazaqstan Respýblıkasy Qaýipsizdik Keńesiniń hatshysy bolyp taǵaıyndaldy.
Dıplomatıalyq rangy – Tótenshe jáne ókiletti elshi.
