Nursultan Nazarbaev Úkimettegi jáne birqatar memlekettik organdardaǵy jańa taǵaıyndaýlar men qurylymdyq ózgeristerge túsinikteme bere otyryp, olardyń qazirgi syn-qaterlerdi laıyqty eńserý qajettiliginen týyndaǵanyn aıtty, - dep habarlaıdy Qamshy.kz Aqorda saıtyna silteme jasap.

– Jaqynda oblystardyń, Astana men Almaty qalalary ákimderiniń qatysýymen ótken Úkimettiń keńeıtilgen otyrysynda daǵdaryspen kúres jumysynan ekonomıkanyń ósimin yntalandyrý baǵdarlamasyna kóshý jónindegi sharalar talqylandy. Bul qosymsha jumys oryndaryn ashýdy,  atap aıtqanda, aýyl sharýashylyǵynda, turǵyn-úı qurylysynda jáne basqa da salalarda halyqtyń tabysyn arttyrýdy kózdeıdi. Osyǵan baılanysty jańa mınıstrler kabıneti aldyna naqty mindetter qoıyldy. Úkimet quramynda jasalǵan ózgerister basqarýshylardyń jańa býynynyń, sonyń qatarynda «Bolashaq» baǵdarlamasy túlekteriniń de ýaqyty kelgenin kórsetedi, – dedi Nursultan Nazarbaev.

Memleket basshysy jasalǵan ózgerister halyqtyń ál-aýqatyn arttyrýǵa, ekonomıkalyq kórsetkishterdi jaqsartýǵa, ulttyq qaýipsizdikti qamtamasyz etýge jáne Qazaqstannyń qarqyndy damýyna baǵyttalǵanyn atap ótti.