«Almaty» arnasynda rýhanıat máselelerin ózek etken «Ǵıbrat» baǵdarlamasy kórermenge jol tartty, - dep habarlaıdy Qamshy.kz.

Ár juma saıyn keshki saǵat segiz jarymda shyǵatyn baǵdarlamada din, urpaq tárbıesi, til men tarıh jaıy sóz bolmaq.

Baǵdarlama avtory – jýrnalıs Aıdos Juqanuly.

«Ǵıbrattyń» ár baǵdarlamasyna belgili bir taqyrypty tańdap alyp, tushymdy oı aıtatyn sarapshy mamandardyń pikirin tyńdamaqpyz. Alǵashqy baǵdarlamamyz din taqyrybyna arnalyp, teris aǵymdar tabıǵatyn sóz ettik. Stýdıamyzǵa qoǵamdaǵy ekstermızm, terorızm jaıynda oı aıtyp júrgen saıasattanýshy Aıdos Sarym men din mamany, «Nur» ıslam mádenıeti ýnıversıtetiniń oqytýshysy Jasulan Júsipbekovpen pikir almastyq», - deıdi baǵdarlama avtory ári júrgizýshisi Aıdos Juqanuly.