Sheshenstan prezıdenti Ramzan Qadyrov Baıqońyrdaǵy qazaqstandyq 7 jasar Elıf Nurjanovaǵa ota jasatý úshin 10 500 dollar aýdardy. Bul týraly Qamshy.kz  habarlaıdy   Tengrinews.kz cilteme jasap.   Aınur Nurjanovanyń aıtýynsha, Qadyrovtyń ózi Instagram jelisindegi pomogite_elif paraqshasyna jazyp, kómek berýge ýáde bergen. Al keıinnen aqsha aýdarǵan.

"Bul naǵyz baqyt, meniń sózim joq. Qurmetti @kadyrov_95 sizge kóp raqmet, ana retinde alǵys aıtamyn. Qýanyshtan kózime jas alyp otyrmyn. Qurmetti dostar, osy kúnge deıin esepshotqa kóp qarajat aýdaryldy. Árqaısysyńyzǵa raqmet aıtamyn. Meıramnan soń naqty qansha soma túskenin aıtamyn. 1 qazanda tekseristen ótemiz. Álhamdýlıllah, bizdiń esepshot jabyldy", - dep jazdy Aınur óziniń paraqshasynda.

Aıta keteıik, qyzdyń anasy qarajatty áleýmettik jeliler aruyly jınaǵan. 9 qyrkúıekte Túrkıada qyzdyń omyrtqasyna ota jasaldy. Dárigerler onyń ishki organdaryna qysym túspes úshin baryn jasady.