2016 jylǵy 14-17 qyrkúıekte Qazaqstanǵa BUU-nyń Jol qaýipsizdigin qamtamasyz etý boıynsha arnaıy elshisi Jan Todt keledi, - dep habarlaıdy Qamshy.kz QazAqparatqa silteme jasap.

Bul týraly QR Investısıalar jáne damý mınıstrliginiń (IDM) baspasóz qyzmetinen habarlady.

Arnaıy elshi saparynyń maqsaty jol-kólik oqıǵalarynyń sanyn azaıtý, memlekettik organdar, bıznes-qaýymdastyqtar men úkimettik emes uıymdar arasyndaǵy strategıalyq baılanystardy retteý, sondaı-aq Onjyldyq baǵdarlamasyn iske asyrý boıynsha qaýipsizdikti qamtamasyz etý jónindegi ulttyq baǵdarlamalardyń qabyldanýyna qolǵabys etý máselelerin joǵary deńgeıde talqylaý bolyp tabylady.

Sapar aıasynda múddeli mınıstrlikter men vedomstvolar, bıznes-qoǵamdastyqtar men úkimettik emes uıymdar ókilderiniń qatysýymen dóńgelek ústel ótedi. Úkimette, Investısıalar jáne damý mınıstrliginde, Astana men Almaty qalalarynyń ákimdikterinde,  sondaı-aq Qazaqstan Avtomotosport federasıasynda kezdesýler josparlanǵan. Sapar qorytyndysy boıynsha Ortalyq komýnıkasıalar ortalyǵynda BUU arnaıy elshisiniń jáne mınıstrlikter ókilderiniń qatysýymen baspasóz konferensıasy ótetindigi josparlanǵan.