Jańa úkimet jasaqtalǵannan keıin qaznette súıinshi surap bir-birin quttyqtaýshylar kóbeıdi. Mınıstrler kabınetin basqarýǵa bilikti, ultjandy azamattar keldi degen kópshilik úkimetten kóp úmit kútip otyrǵan syńaıly, - dep habarlaıdy Qamshy.kz 31-arnaǵa silteme jasap.

Al,  mınıstrler bul júkti abyroımen alyp júre ala ma, olardyń atqarýy tıis basty mindeti qandaı?

Jańa úkimetten úmit kóp. Másimovtyń otstavkaǵa ketýi qaznetti shýlatsa, Baqytjan Saǵyntaevtyń orynbasary bolyp Imanǵalı Tasmaǵambetovtyń saılanýy odan beter talqylanyp jatyr. Sarapshylar da Saǵyntaevtyń myqty orynbasarlarmen jasaqtanýyn, qaryzǵa batyp ketken úkimetti qutqarý amaly dep otyr.

Ozat oqýshy ispetti - Imanǵalı Nurǵalıuly prezıdentten taǵy maqtaý estidi. Qorǵanystaǵy qyzmeti úshin «bestik» aldy, endigi eń aýyr júk te Imanǵalı Tasmaǵambetovte. Sebebi jańadan taǵaıyndalǵan vıse-premer qordalanǵan úshtildilik pen daýly densaýlyqqa jaýap beredi.

BERİK ÁBDİǴALI, saıasattanýshy:

- Qazir qoǵamǵa qaýip tónip turǵan birqatar oqıǵalar boldy ǵoı. Ekstremıstik, taǵy basqalar. Sondyqtan Imanǵalı Tasmaǵambetovtyń kelýi osydan bolar.

Jer men til, baspana men jumyssyzdyq basqaıǵy bolǵan kezde dál osy quramnyń basshylyqqa jaıǵasqanyn ázirge qoldaýshylar kóp. Munyń da óz sebebi bar deıdi sarapshylar

MUHTAR TAIJAN, ekonomıs:

- Adam jaqsy maman bolýy múmkin. Biraq júreginde eger taza nıet bolmasa, ulttyq ot janyp turmasa nátıje joq. Ondaı mysaldar kóp bizde.

Qazaqstannyń tabysy 40 paıyzǵa qysqardy. Syrtqy bereshek artty, taǵy 7 mlrd dollar shetten qaryz alamyz. Osy qarjyny qajet jerge jumsap, ekonomıkany aıaqqa turǵyzýdy nebári 36 jastaǵy Qýandyq Bıshimbaevqa tapsyrýdan da sarapshylar qater kórip turǵan joq. Al dinge jaýapty jańa mınıstrlikti qos qoldap qoldaǵan saıasattanýshylar paıdasyz taǵy birneshe vedomstvony qysqartsa dep otyr.