EKSPO-2017 biz úshin jańalyq pa?!
Uly Jibek Jolynyń boıynda turyp, kúlli Túrki áleminiń kindigi bolǵan bizdiń topyraqta Qoıandy jármeńkesi bolyp edi! Naǵyz EKSPO sol emes pe edi?! Alashtyń kil qaımaǵynyń basy qosylyp ulan asyr dýmanǵa ulasatyn tarıhymyzdy umytyp, batystyń tańsyǵyna qol sozamyz. Sony ótkizýdi jeńip aldyq dep maqtanamyz. Jaraıdy, jeńip aldyq delik. Tyńnan túren salǵysh el bolsaq onda nege sol EKSPOny Qoıandy aýylynda ótkizbeske?! Áıteýir qyrýar aqsha ketip jatyr, bizdiń halyqtan, hám salyqtan. Qıt etken nárseniń bárin Astanaǵa tyqpalaımyz. "Úıi qısyq bolsa da, Astanamyz sóılesin" - álemdik qonaqtar aldynda! Mine búgingi qazaqtyń urany osy... Shirkin-aı, jolaı Kókpektige aspaly kópir salyp, Qarqaralynyń Shaıtankóline aqqý ushyryp, qaz qondyryp, Balqantaýdyń baýraıynda ulan-asyr EKSPO nemese EKSTOI ótkizer kún keler me eken?!