El Táýelsizdiginiń 25 jyldyǵy aıasynda Aqmola oblystyq tarıhı-ólketaný murajaıynda úsh jańa joba bastaý aldy, dep habarlaıdy BNews.kz tilshisi.

Murajaı ujymy ótken ǵasyrlardaǵy qazaqtyń tarıhyn kórme arqyly kópshilikke kórsetýdi uıǵarypty. Osyǵan oraı mádenı oshaqta saltanatty shara ótti.
Kórmelik joba úsh taqyrypty qamtıdy. Alǵashqysy – Álıhan Bókeıhanovtyń ómiri men eńbek jolyna arnalǵan. Alash qozǵalysyna 100 jyl tolýyna oraı murajaıdaǵylar qazaq arysynyń beınesin somdady.
«Mundaı aýqymdy shara alǵash ret uıymdastyrylyp otyr. Jas urpaq alash arystarynyń táýelsiz el bolý jolyndaǵy sińirgen eńbekterin bilip ósýi tıis»,– deıdi oblystyq tarıhı-ólketaný murajaıynyń dırektory Kenjebaı Muqyshev.
Ekinshi jobada– ulttyq kıimderimiz áspettelse, budan soń jıylǵan kóp tól teńgemizdiń tarıhymen tanysty. Sondaı-aq, úshinshi bólimde ertedegi qazaqy jármeńke kórinis tapqan. Máselen, 1890-shy jyldyń 14-shi qyrkúıeginde qalada «Kókshetaý jármeńkesi» ashylǵan-dy. Murajaı ujymy bul kórinisti de soǵan negizdegen.
«Kezinde Aqmolada Qoıandy jármeńkesi ótkizilgendigin tarıhtan bilemiz. Alańda mundaı sharanyń uıymdastyrylýy qala qazaqtaryna erekshe kóńil kúı syılady. Jármeńke ózindik ereksheligiminen aıshyqtaldy, kórmelerden kóp nárseni oıǵa túıýge bolady. Dástúrli ánshi retinde jármeńkede Kóksheniń sal-serileriniń ánderin tartý ettik»,–deıdi dástúrli ánshi Sársenbaı Hasenov.
Oblystyq mádenıet basqarmasynyń málimeti boıynsha, el Táýelsizdiginiń 25 jyldyǵyna arnalǵan mádenı  sharalar 15 qyrkúıek pen 15 jeltoqsan aralyǵynda órbimek. Tarıhı-ólketaný murajaıy qolǵa alǵan bul joba úsh aılyq baǵdarlamanyń bastaýy bolyp tabylady.