«Qazaqstan temir joly» UQ» basqarma tóraǵasy

Qanat Qalıuly Alpysbaev myrzaǵa     

Mańǵystaý oblysy, Mańǵystaý kentindegi «Mańǵystaý» Temir jol stansıasynyń poezd toqtaıtyn alańynda turmyn. Aldyma kelip «ASTANA – MAŃǴYSTAÝ» jolaýshy poezy kelip toqtady. Jolaýshy vagonynyń qaq ortasynda «M A Ń Ǵ Y S T A Ý» degen úlken áriptermen jazylǵan ádemi jazý vagonǵa sán berýmen qatar osy pozd ataýyn aıqyndap-aq tur. İshim jylyp sala berdi.

Alaıda, vagondar qarsy aldyma kelip toqtaǵanda, kóterińki kóńilim sý sepkendeı basyldy. Sebebi, sol vagondardyń syrtynda «MAŃǴYSTAÝ» degen ataýdan bólek «Mangyshlak - Astana» jáne taǵy bir jerinde «Mankıshlak» dep ózge eldiń tilinde jazylǵan ár túrli jazbalar boldy.

Oblysymyzdyń ataýy Mańǵystaý, sol poezdar kelip toqtaıtyn eldi mekenniń ataýy Mańǵystaý, poezdyń ataýy Mańǵystaý.  Sonda myna ózge eldiń tilindegi «Kıshlak» sózi bul poezda «ne bitirip tur?» degen suraq óz-týyndap turǵan joq pa?

Tıisti sharasyn alýyńyzdy ótinemin!

Muhambetkárim Qojyrbaıuly

Mańǵystaý