Aqparat jáne komýnıkasıa mınıstrligi kámelettik jasqa tolmaǵan jasóspirimder men balalardyń adamgershilik jáne rýhanı damýyna keri yqpal etetin balanyń densaýlyǵyna zıanyn tıgizetin teris aqparattardan, nasıhat pen úgit-nasıhattan, áleýmettik ortanyń áserinen qorǵaýǵa memlekettik kepildik beretin zań jobasyn usyndy. Muny mınıstr Dáýren Abaev feısbýktegi jeke paraqshasynda jarıalady, - dep habarlaıdy Qamshy.kz.
Bul týraly ol óziniń Feısbýktegi paraqshasynda jazady.
«Ásirese jýrnalıserdiń, baılanys jáne aqparat qyzmetkerleriniń, azamattyq sektor ókilderiniń nazaryna!
Búgin bizdiń mınıstrlik «Ashyq normatıvtik quqyqtyq aktiler» portalyna «Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» Qazaqstan Respýblıkasy zańynyń jobasyna qatysty Tujyrymdamany ornalastyrdy.
Bul qujat bizge qarasty salada eleýli ózgerister jasaýǵa baǵyttalǵan jáne kásibı toptardyń keń aýqymy men jalpy jurtshylyqtyń múddelerin qamtıdy.
Men mundaı normalar azamattyq talqylaý arqyly ǵana qabyldanýy tıistigine nyq senimdimin.
Tujyrymdama jarıalanǵan bólimde óz eskertýlerińizdi, usynystaryńyz ben talap-tilekterińizdi qaldyrýǵa bolatyn arnaıy fýnksıa bar. Onyń barlyǵyn mınıstrlik janyndaǵy zań shyǵarmashylyq jónindegi jumys toby qarastyratyn bolady» dep jazady mınıstr.
